2 Tamuwen 23:1 - Ala Wone Peenok Peebi Mbanak

¹ At Ndawut wone irip paga yereegerak nogo yi o. “At Abu Tiyanak nen tiyappege, At Yakup ogoba Ala nen amburu eerogo mippege, Eereegerak an aap Itayi aput Ndawut yi, Iterali inenggela'me ndawi pit nage minggirak nogo nen ari logonet,

2 Tamuwen 23:1 Cross References

Wakkagagerak 49:1

Ti'nuk, at Yakup nen, “Kit peebi eekkinake logorak wone yokkiraakit nduk, an nowagam panggorogon kuwak ari woraanip o,” yinuk, yoragagerak at apuri abok aret kuwak eeko mbareegwa, yorage logonet,

2 Tamuwen 22:34

Rusa iyok nggilik-nggelok pit nage menggi kwak, An niyok togop aret eeppanege, Puut kirin paga mi'ndak logokit nduk, Nomaawi eerogo panege,

2 Tamuwen 22:51

Nendagembogut mippaneegindak nogo Neegin tiyak yuwak nduk eeppanege, Amburu eerogo mippaneegindak nogo An Ndawut inom, napuri-nombowologwe inom, Ninabuwa nen eeppinanit wundi wage tit logomunggun o,” yinuk, ndawi paga Aliku ALA anep pereegerak nogo ti aret.

1 Mbinineegwaarak 16:7

Ne ti eyom paga at Ndawut nen Aliku ALA, “Wa,” yoge logonet, ndawi pereegerak nogo iyaalok lombok waruwak nduk, aap Atap oreewi inom yoragagerak nogo yi o.

1 Mbinineegwaarak 16:9

Aruk konenuwak nduk, ndawi paga yogwe, Konenuwak nduk, ndawi paga endage tiyappugwi, Iya tit eeke menggerak abok aret yoranet nogwe,

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 72:20

At Itayi aput Ndawut nen ndawi wake logonet, agan wagagerak nogo ti aret o.

Ndawi 89:20

An nayeloman Ndawut aret kwaarogo punuk, Amburu an unde minggirak nogo oba kilirogo mippege, Eereegirak me,

Ndawi 89:21

An neenggi omaawi paga at pipporogo wonage, Nobaak nggorek paga eyak wapporogo wonage, Eeke logogin me,

Amot 6:5

Nggitat eeko logonet, we lek ndawi wakwi, Ndawut ndawi tiyangge logonet, nggitat eeke nagagi kwak, “Nit togop aret eeruwi,” mba'nuk, eerit nugwi,

Lukat 20:42

At Ndawut lombok nen mbuku Ndawi paga wone liiru mbangge logonet, At Aliku Ala nen an nogoba Ala yoge logonet,

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Pelaareegerak 33:1

Ala oone liippunuk eeka at Muta nogo awo kangga'lek logonet, it aakumi Iterali mendek ale'nggen inoba piyareegerak wone nogo yi o.

Kolote 3:16

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wako logonet, “Nogoba wa,” yinuk, Ndawut nen ndawi pereegerak inom, ki wone ndawi inom, Ala eeke menggerak ndawi inom, abok aret warit nogwe, eeko logonip o.

Yakobut 5:13

Aap ambi kinenggela'me nen aaninggin-paaninggin oba age kenok, at tamban eekkolage logowak o. Ndi, ambi iniki ale'nggen mbake kenok, ndawi wake logonet, Ala endage tiyappege logowak o.

1 Tamuwen 17:12

Aap Ndawut nogo ti, o Yekura, kota Mbe'lekem aap Eparata mendek endage Itayi aput aret wonagagerak. At Itayi nogo, apuri aap mban 8 ndaganabeegerak me, at ndarak kagak, yi tahun ndi tahun eeppunuk, abu anggok agagerak kagak, Tawun nogo aap endagembogut wonagagerak.

1 Tamuwen 18:7

Yogo logonet, “Tawun nen ninawim apit negen inookerak kwe, At Ndawut nen inookerak nogo perak, ineenggi lingginiyak abu meek aret o,” yinuk, ndawi paga wako nogogwaarak.

1 Tamuwen 2:10

It Kaliku ALA kinom ogoorak wonogwe nogo, Yigirik-noonom eerogo piige, Ngguurubu oone eeke menggi kwak, Kaliku ALA mbogut paga koone ari, It aakumi o irip-irip abok aret inowak loongge, Eerumunggun me, At aap inowe endagembogut logowak nduk, Mippereegindak nogo omaawi wogoge, Kat leenogo punuk, amburu eeppereegindak nogo, Omaawi kaawak nduk tiyappege, Eerumunggun o,” yinuk, tamban eereegerak.