2 Tamuwen 22:8 - Ala Wone Peenok Peebi Mbanak

⁸ Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, O mbogut yi nogo, alom na'ndo-wa'ndo eeke, Eekerak o.

2 Tamuwen 22:8 Cross References

Ayup 26:11

Mbogut alom yarak nogo, Ala nen mberege kenok, iniki ma'nage logonet nuk-nuk ari,

Ndawi 18:7

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, Puut-puut nogo, alom na'ndo-wa'ndo eeke, Eekerak o.

Ndawi 68:8

Puut Tinayi paga eeke kat Ala nogo kenggaanom paga, Aakumi Iterali inogoba kat Ala kenggaanom paga, O nggween ndipuk eeke, Mbogut paga nen mayu lubu-lubu wurabit wage, Eereegerak o.

Ndawi 77:18

Ndi, o wiya nombok-kombok warit wage, Kangguurubu eerogo nappit nage, Kimbik pindanogo nappegendak nogo paga o nggween yi eya eerogo pege, O nggween yi nuk-nuk eeke logonet, na'ndo-wa'ndo eeke, Eereegindak o.

Ndawi 77:19

Kat wagak karu ti, niyo nggwok laut aret o. Yi kole yenggenak laut kiiniki paga kiyok pit wagagindak kwe, Kiyok a'lip nogo aakumi inigen kaga'lek aret wonogogwaarak o.

Ndawi 97:4

At nen o yabok pindanogo nappege paga o nggween eya age, O nggween yi nen enegen kenok, aganak wake,

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Matiyut 27:51

Iniki woronggo'nok abu kangge mbareegi, yum Ala awi wurik me akenggwe tugunik wonagagerak nogo, agi nen oolo muundak nggoguk yi wambi wage, nggween nuk ari, yugum puut-puut abok langgu-langgu wambi wage, eeke logonet,

Matiyut 28:2

Wogwe iigak, Ala yonggo nappiya wage menggerak malayikat ambi mbogut paga nen wambi wage nagagerik, yugum tu narak nogo laganogo nappunuk, ti paga awo kwi'nage kagak, o mi nggwok nuk yereegerak.

Nappiigak 4:31

Tamban eeko mbareegwa, o it wonogwe nogo nuk ari logonet, Aberiniki inikime lik yi unggwage mbareegi, inagabiti lek logonet, Ala wone yoranet nugu nogogwaarak.

Owak Loongga 5:4

Kaliku nogoba ALA wae! Kat nen o Teyit nen wundi nage, O Erom nen li'luk ee'nuk, wungge, Eeke keegak, Nggween akom langgok eeke, Mbogut paga nen mayu wamelanggen wuppit wage, Iyaagi nappunuk, mayu lubu-lubu wangge,