2 Tamuwen 22:7 - Ala Wone Peenok Peebi Mbanak

⁷ Eeppanit wage paga aaninggin noba wonage logonet, Aliku ALA noone nggwok paga yoge, Nogoba Ala yeenggwa niru o, yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

2 Tamuwen 22:7 Cross References

Ndawi 107:6

“Nonggop eekkoloobok,” aganake mbareegi, Inoone nggwok paga Aliku ALA yogwi iinok, Aaninggin inoba wonage nogome nen inagap ndarogo piige,

Ndawi 116:4

Aliku ALA endage kunogo yoge logonet, “Kaliku ALA wae. Nagap ndaru o,” yinuk, yogirak o.

Ndawi 120:1

An aaninggin noba age kenok, Noone nggwok paga Aliku ALA yoge neenok, At nen yeenggwa nege menggerak o.

Ndawi 18:6

Eeppanit wage paga aaninggin noba wonage logonet, Aliku ALA noone nggwok paga yoge, “Nogoba Ala yeenggwa niru o,” yinuk, yoge, Eekirak paga, At awi wurik me logonet noone konengge, Le ari logonet, nggino yogirak nogo aruk konengge, Eekerak o.

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 34:6

At aap tebenak wonage nogo nen Aliku ALA yoge kenok, Aliku ALA nen at oone konengge, Aaninggin oba wonage nogo teeluk eerogo pege, Eereegerak o.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Yunut 2:4

An nogo, kat wonage me nen mbo panegendak kwe, Kat kawi wurik abu alik leenak nogo an ambinom kaagin aret o, mbake neegak,

Yunut 2:7

An niniki abu woroniyak ee'nake kagak Kaliku ALA koba abekkake, An tamban eeke nogo noone ndayo-ndayo karuk me unggwi nage, Kat kawi wurik alik leenak nogome ari unggwage, Eekerak o.

Abakuk 2:20

Togop kwe, at Aliku ALA perak, at awi wurik abu alik leenak menggim time wonage me, Kit aakumi nggween paga wonogwe abok aret at enggaanom paga kinoone lek puk aret logonip o.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

Iberani 5:7

Maan at Yetut aakumi kwak nggween paga yime nege logonet, kambuurak agabiti nen leenggu maake logonet, oone nggwok paga tamban eeke, “Nagap ndaru o,” yinuk, Ala nggino yoge, eereegerak nogo, ogoba nen yoge kenok aruk konok mban eeke nagagerak me, aput nen tamban eereegerak nogo Ala aruk koneneegerak kwe,

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.