2 Tamuwen 22:35 - Ala Wone Peenok Peebi Mbanak

³⁵ Wim op nambuke logokit nduk yigin woorak mamunnege, Neegin linggira kwak, mbuti tembaga paga wurik kagak kwe, Neenggi yomok togon miirikit nduk, eeppanege,

2 Tamuwen 22:35 Cross References

Ayup 20:24

Mbuti wooluwak paga inookwi iyo, mbaganit nogwe iigak kwe, Mbuti tembaga paga maale wurik me, Ineebe peenok polok togon inookwi iinok,

Ndawi 144:1

Wim namburiyak mamunnake, Nawim ninom perenggoloorak ena koonogo panege, Eeke menggerak nayugum lunik kwak At Aliku ALA aret me, tiyappege agarik o.

Ndawi 46:9

O nggween irip-irip abok aret Wim nambukwi lek eerogo pege, Ineegin kalenogo piige, Inawooluwak engget tugunogo piige, Wim eeka inanggweendo kani kungge, Eeke menggerak o.

Yetikiyen 39:3

Pi woraminggirak tebenogo piige kenok, eenggi kwaare'nggan wake neenok, eenggi tanep age logonet, eegin ndik togon wangge, eenggi abe'nggan wake neenok, omaale wonage nogo ngginu-ngginu wangge, eerigin o.

1 Tamuwen 17:45

Yoge mbareegi, at Ndawut nen aap Pilitin mendek nogo yoge logonet, “Kat an nooriyak nduk, paloowi inom, mbuti wooluwak inom, wolurege inom, li'luk ee'nuk, an nowagam wagandak kwe, an perak, at Aliku Omaawi Lombok Menggerak awuri ineegin warak Iterali inogoba Ala mbelappege menggendak nogo endage paga kowagam wagi o.