2 Tamuwen 22:17 - Ala Wone Peenok Peebi Mbanak

¹⁷ At tiyarogon logonet, eenggi pi'nabi wambi wage, Niyo alobok ambik nen ndonggonnaburak eeke me, Pilanogo nippani wage, Eekerak o.

2 Tamuwen 22:17 Cross References

2 Tamuwen 22:18

Nawim inomaawi ambik me, ineenggime nen ndinnake, It ineebi nombakwi nogo, An nen tebenogo piyoorak meek me, At nen tebenogo piinok nagap ndake,

Ndawi 130:1

Kaliku ALA wae. An yigeebu mondok ayilik warak me, Wambeegirak negen logonet, Noone nggwok paga yokkege agarik o.

Ndawi 144:7

Kat mondok tiyanak menggenom logonet, Keenggi nggorek paga pi'nake logomenggendik, Niyo wu'nuk wage logonet yi mendek ndi mendek Tebengge menggi kwak, An togop eeppanugwi nogome nen nili ari, Aap alik mendek inoone pilit mban agan nugwi, “Ndogop eerigin o,” yinuk, ineenggi nippunuk Kumbuk mbanggwi kwe, pilit pugunit nugwi, Eekwi nogo ineenggi me nen nagap ndake, Eeru o.

Ndawi 18:16

At tiyarogon logonet, eenggi pi'nabi wambi wage, Niyo alobok ambik nen ndonggonnaburak eeke me, Pilanogo nippani wage, Eekerak o.

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Wundeegwaarak 2:10

Tawe eeke nagagerik, wonok Pirawun apuluk kolaga nogo wogori wage mbareegi, at aagaluk negen eekkolage nagagerik, “Wulaga yi, niyoome nen waganggirak me, endage Muta aret o,” yinuk, tooneegerak.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Leendawi 3:54

Ti eekwi iigak, niyo nanobak kuli taani lagangge mbareegi, “An abu tebennabigin kagi,” mbareegirak.

Wayu 17:15

Yo'nege nagaarik, ambinom yo'nege logonet, “Yi niyo ndi niyo kunit wage menggim nogobak-kogobak paga kwe yawukak kwi'ndak wonage kagandak nogo ti, yi aakumi ndi aakumi inanebunu lombok inom, aakumi ugun inom, inagabolo alitak inom, inoone alitak inom, ineebe ti aret iigendak o.