2 Tamuwen 21:9 - Ala Wone Peenok Peebi Mbanak

⁹ waganogo it Nggibeyon mendek ineenggime piige mbareegi, it ineebe 7 nogo inooppiigo nogogwaarik, Aliku ALA enggaanom puut paga time aret tugunogo piyareegwaarak. Aap ineebe 7 ambugwi aret inoorogo piyareegwaarak nogo ti, waabuk negen jelai anggen iyaalok mbanit nogwe eyom nogo paga inoorogo piyareegwaarak.

2 Tamuwen 21:9 Cross References

2 Tamuwen 21:6

at Tawun apuri aap ineebe 7 waganogo wo'nirage keenok, at Aliku ALA nen aap leenogo mippereegerak Tawun awi alom paga o Nggibeya nogome inoorogo piinok, Aliku ALA enggaanom paga time tugumbiyaawok o.” Yogo mbareegwa, aap endagembogut nen, “Op aret yogotak me, wokkiraakit o,” yoragagerak.

2 Tamuwen 6:17

Ndi, at Aliku ALA aloobut mbanak nogo, wonok wogo nogogwaarik, logowam awooliya wurogo punuk at Ndawut koonogo pereegim nogome pogo nogogwaarik, at Ndawut nen Aliku ALA enggaanom paga taati ake warogo kani kungge, Ala inom lambunik logowak nduk, ake warogo wogoge, eereegerak.

2 Tamuwen 6:21

Yoge mbareegi, at Ndawut nen kwe Mikan nogo yoge logonet, “An nale'nggen nen ogut-togut wake neegendak nogo ti, aakumi inayuk wuke logonet warulik o. Ata, kogoba Tawun inom, owe-awot inom, wonogwe iigak, Aliku ALA nen at apuri Iterali mendek inowe nendagembogut logonet, inarum logokit nduk, inenggela'me nen leenogo mippaneegerak nogo enggaanom paga eekirak me, op aret eekirak o.

Wundeegwaarak 20:5

wogoppiigo logonet, inabu'me tebe yi unggwogwe, inayuk wukwi, eeko logorak mage o. Naliku kinogoba Ala an nalik aret neegak, nobaane'me ambi mippunuk, ayuk wukwi kiinok, Neebi o, yinuk, nanini mbake minggirak me, yi aap ndi aap inanini nombako logonet, maluk eekwi nogo ti, it ineebe inom, inapuri inom, inombowologwe inom, it paga nen wiganak inom, an nen aaninggin inoba piige logogin kwe,

Wundeegwaarak 9:31

Ti eyom paga, nggem nogo anggen yege, waabuk negen jelai nogo ayo wake, eereegerak me, kumulinggen wuppi wage logonet, mondok pup eerogo pereegerak kwe,

Wundeegwaarak 9:32

gandum inom, mbato negen endage tekoyi inom, awi yarak nogo perak, awo mbilangga'lek me, mayu kumulinggen yigirulik eereegerak.

Linggineegwaarak 25:4

Anini mi'nage nagagerik, Muta yoge logonet, “It aakumi Iterali eeppiyookwak, Naliku ALA nanini ka'luk aagi negen ninikime mi'nagaarak nogo lek aruwak nduk, it aakumi yi, inoweewi wone lengganinaka abok aret ineebe pippiinok, Naliku ALA nenggaanom paga tena'me aret inoorogo piyet o.”

Pelaareegerak 21:22

Yorage nagagerik, ambi yorage logonet, “Aap ambi warogo eebe eyo paga tugunogo pugwi kenok ti, Ala nen pulunogo pege menggerak me, aap ambi maluk eeremenggerak kenok, kambuwak nduk, Wariyak aret o, yinuk, wako logomenggaarik, eebe warak eyo paga tugunogo pugwi iinok, at Aliku kinogoba Ala nen kineyate kwak nggween wokkirage nogo paga maluk eerogo pukwak, at eebe warak nogo eyo paga tugunik wonage kagak, o kiip ariyak mage o. Ata, warogo punuk, ne ti eyom paga aret eebe warak nogo nggween taanogo pumunggup o,” yoragagerak.

Urut 1:22

Kwe Nawomi eenggelo Mowap mendek Urut nogo imbirak o Mowap nen o Mbe'lekem unggwi wogogwaarak nogo ti, waabuk negen jelai anggen iyaalok mbanggwi nogo eyom aret unggwi wogogwaarak.

1 Tamuwen 15:33

Tamuwen nen ari logonet, “Kat kawooluwak paga it kumi inooke logonet, inaagalogwe a'nggan waganogo piyareegindak ti kokwak, Yi kumi ndi kumi inenggela'me nen kat kagalo alik aagaluk ambi lek aret kaagun o.” Yoge nagagerik, Tamuwen nen aap Agak nogo Aliku ALA enggaanom paga o Nggilagan time aret warogo pereegerak.