2 Tamuwen 21:12 - Ala Wone Peenok Peebi Mbanak

¹² aakumi Pilitin mendek nen aap Tawun aput Yonatan imbirak o Nggilobowa inooko nogogwaarik, iname kota Mbet-Tan oore'nggam taa'nogo tugumbiigo mbareegwa, it aakumi Yabeti-Nggileyat mendek woraanuk ineebe kumaageren iname nggween taambiya nogogwaarak wonogwe me, at Ndawut nen inowak nenenak nogo wa nage nagagerik, wonok wagagerak.

2 Tamuwen 21:12 Cross References

2 Tamuwen 1:21

Kit puut-puut Nggilobowa yi wae. Kit paga time aap kalu-kalu inanggeemu paga Aakumi inoorak inamiya lengge aago wonage, It aap wakaa'ngget nogo, Inamok Tawun anggeemu paga lenggek ari me, Yi'mbaani kunukwak amburu waka'lek wonage. Yonatan omaale wonok waga'lek namburogo nappege, Tawun awooluwak paga we wonok waga'lek amiya labunik mban wonok wage, Eeko menggaarak kwe, Kit puut-puut Nggilobowa paga inoorogo piigaarak me, Miinanggen inom, mayu inom, kineebe paga wambi wage, Ndi, kinanggween paga yi mendek ndi mendek yaremenggaarak kwe, Anggen abe yege, Eeke logogin mondok lek o.

2 Tamuwen 1:6

Yoge mbareegi, aap tawe nogo nen Ndawut yoge logonet, “Wim eekwi ti eyom paga an puut endage Nggilobowa we ugun wagarak taati neegak, at Tawun nogo awooluwak paga anep kumbunuk wonage me, at awim nogo kuda paga inom, nggweendo wim eeka ogobakkigirik paga inom, kwi'na'nuk mugurok at owagam panggo yi wogwe enegen iige nagaarik,

2 Tamuwen 2:4

Time wonogwe me, it aap Yekura mendek o Keboron nogome wogo nogogwaarik, at Ndawut nogo it aakumi Yekura mendek inowe endagembogut logowak nduk, amburu eerogo mippereegwaarak. Mippereegwaarak wonage logonet, it aakumi Yabeti-Nggileyat mendek nen at Tawun nggween taambereegwaarak yogwe nogo, at Ndawut konengge nagagerik,

2 Tamuwen 21:11

Ndi, aap Aya aput kwe Iritapa Tawun akwe ayeloman mendek wogo nen eeke nogo Ndawut yogo mbareegwa,

2 Tamuwen 21:13

Wonok woraanuk, aap Tawun aput Yonatan imbirak inowak nenenak inom, it aap ineebe 7 inoorogo piinok tugumbiyareegwaarak nogo inowak inom, kuwak eerogo punuk,

1 Mbinineegwaarak 10:1

Ne ambi eyom paga aap Pilitin mendek nen puut Nggilobowa time aap Iterali mendek inom wim nambuko logonet, apit aret inookwi iigak, it Iterali mendek eegu nogo mbaganit wogogwaarak.

1 Mbinineegwaarak 10:12

it aap wakaa'ngget pekkagak kero mban ko waka'lek oonikiya ti paga nok-nok, o Mbet-Teyan unggwi wogo nogogwaarik, at Tawun apuri inom ineebe nogo wogonako nogogwaarik, kani kumbiinok, inowak nogo waganogo o Yabeti eyo kole alome time nggween kabunogo taambiinok, mbi nengga'lek inambe mage negen wonogwe iigak, nogo 7 aret yereegwaarak.

1 Mbinineegwaarak 10:8

Ndi, ko'lu it Pilitin mendek nen puut Nggilobowa time it Iterali mendek inoorak inamendek kolaawok nduk, wogo nogogwaarik, at Tawun inom, apuri inom, inoorak wonogwe iyareegwaarak.

Yotuwa 17:11

Togop aret kwe, anebunu Itakat inom, Atet inom, inanggween mbanak kwe, it inanggween paga kota-kota anebunu Manate mendek wogoragagerak ti, kota Mbet-Teyan inom, kota Yibeleyam inom, niyo kole yenggenak laut ambet paga kota Ndot inom, kota En-Ndot inom, kota Taanak inom, kota Megiro inom, wogorage logonet, kota-kota ti, enaagan-ambokan yaga'lelo mbuulogwe-mbaalogwe abok aret inom wogoragagerak kwe,

1 Tamuwen 28:4

ne ambi paga it aap Pilitin mendek nen wim eeruwok nduk, o Tunem koorok time inawooliya wukkola wogo mbareegwa, at Tawun kunduk awuri Iterali mendek abok aret kuwak eeppiige nagagerik, puut Nggilobowa time aret inawooliya wukkola nogogwaarak.

1 Tamuwen 31:1

Ti eerit nogwe eyom paga aap Pilitin mendek nen puut Nggilobowa time aap Iterali mendek inom wim nambuko logonet, apit aret inookwi iigak, it Iterali mendek eegu nogo mbaganit wogogwaarak.

1 Tamuwen 31:3

Inooko mbareegwa, at Tawun awuri inom wim namburiyak abu aaninggin ambik aret aganabeegerak wonogwe iigak, at Tawun nogo mugurok maale paga eenik wim wareegwaarak.

1 Tamuwen 31:4

Wako mbareegwa, at Tawun nen aap at eegin wonok nega nogo, yoge logonet, “It aakumi inagabolo mbana'lek Pilitin mendek yi nen wogo logomenggaarik, meek eerogo paninuk, nagabolo andi-pandi eerogo nookwi iyo, kat kawooluwak waganogo ndanuk togon noori mok o!” Yoreegerak kwe, at aap at eegin wonok nega nogo, agabiti nen wariyak eebi mbake mbareegi, at Tawun alik nen awooluwak yindumbunuk, at paga ndanunggola wambeegerak.