2 Tamuwen 20:9 - Ala Wone Peenok Peebi Mbanak

^9-10 At Amata nogo, “Yowap mbuti ndut eenggim wonage nogo paga noorigin,” mbarulik we ugun wonage kagak, Yowap nen at yoge logonet, “Noreeluk, kat obeelom wonage ilik?” yinuk, agandin eyak mbanikit nduk, amboro eenggi abe paga pippunuk, mbuti ndut eenggim wonage nogo paga Amata aanogum paga ndanuk togon mambereegerak aanagale kiluk togon nggween paga wambeegerak aret kangge mbareegi, ambinom warulik mbo punuk, awuluk Abitayi imbirak aap Mbikiri aput Teba nogo mugurok nogogwaarak.

2 Tamuwen 20:9 Cross References

2 Tamuwen 15:5

Ndi, it aakumi nen Abatalom owagam wogo nagaatik, abu'me tebe yinuk, ayuk wukwi iinok, at Abatalom nen lamooppiinok, inagandin eyak mbaninake nagagerak.

2 Tamuwen 17:25

o Nggileyat time inawooliya wukkologogwaarak. Ndi, aap Iterali mendek ambi endage Yitara nogo nen aap Nakat apuluk kolaga Abigan, aap Yowap agalo kwe Teruya owooluk nogo, wagangge nagagerik, aput Amata ndareegerak me, aap ti, Abatalom nen awuri ineegin warak inowe logowak nduk, Yowap obaane'me mippereegerak.

2 Tamuwen 18:29

Yoge mbareegi, aap endagembogut nen at yoge, “Aap tawe Abatalom nogo, eebe obeelom aret wonage ilik?” Yoge mbareegi, at Akimaat nen onggo at yoge logonet, “Kat nowe kendagembogut an kayeloman wagarak yi, at Yowap nen wone eerogo nappani wagaarak wage logonet, noone-koone yogwe iigak wagarak me, nonggop agaarak nogo an neenggo'lek o.”

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

1 Endagembogut 2:32

At Yowap nen an nogoba Ndawut eenggo'lek kagak, aap Iterali ineegin warak inowe Net aput Abenet inom, aap it Yekura ineegin warak inowe Yetet aput Amata inom, at Yowap obaabut ndak-ndak lek it imbirak inobaabut abu abe li'lak mban eeko menggaarak iigak, at awooluwak paga inooreegerak me, inamiya kilireegerak ti, inane'me at Aliku ALA nen at aret eeppigin o.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Kini Wuppiige 26:23

Aap inikime maluk koongge logonet, oone amburu ndik-ndik agan nage nogo ti, Togolowak nggween paga ogobakkigirik agabolo paga amburu warak abinak lan ari menggi kwak aret wonage menggerak.

Kini Wuppiige 27:6

Kimbirak ogoorak nogo nen oone yanggok-yanggok yokkirit nage menggerak kwe, Kore kiniki kunik nen perak, op logonok nduk, yawi paga kooke menggerak.

Yeremiya 41:2

Netaniya aput Itimayen aap ineebe 10 nogo inom mi'na'nuk, aap Mbaben mendek inowe endagembogut nen o Yekura unde logowak nduk mippereegerak aap Tapan ombooluk Akikam aput Nggeraliya nogo, wooluwak paga mondok aret warogo pereegwaarak.

Mika 7:2

It aap Ala mugurok nogwe nogo, o yime inenggaawak lek aret iige, Aap iniki abe koonak ambiriluk ambi lek aret kage, Eeke agarik o. It abok aret aakumi inooriyak nduk, enaarak negen wonogwe, Towe yilunggagak yum yugu wonok nugu mengga kwak, it ambi nen inoreeluk ambi wariyak nduk eerit nugwi, Eeko agaarik o.

Owak Loongga 3:15

Ti'nuk, it Iterali mendek nogo nen inoone nggwok paga Aliku ALA yogo mbareegwa, inagap ndaruwak nduk, aap anebunu Mbeniyamin mendek ambi endage Nggera apuluk eenggi kwaarek Ekut nogo aret mippereegerak. Mippege mbareegi, it Iterali mendek nen wu inarum wonage onggo pugu Ekut oreewi inom wonok it Mowap mendek inowe endagembogut Egolon wogori nawak nduk nappiyareegwaarak.