2 Tamuwen 20:22 - Ala Wone Peenok Peebi Mbanak

²² Yoge nagagerik, at kwe iniki warak nen wone kooneegerak nogo, aakumi yora nage mbareegi, aap Mbikiri aput Teba nogo enggaanok mbanogo anobak at Yowap owagam mbo wunnogo mbareegwa, at Yowap nen oone nggwok eeka trompet oone pu eeke mbareegi, at awuri nogo o kota ti, mbo punuk, iname inalitak lombok nogwe iigak, at Yowap nogo aap endagembogut o Yerutalem wonage me ka wagagerak.

2 Tamuwen 20:22 Cross References

2 Tamuwen 18:16

Wappogo nogogwaarik, Yowap awuri wim eeka nen it Iterali mendek muguren nogwe nogo, puk aruwak nduk, at Yowap nen oone nggwok eeka trompet oone pu eeke mbareegi, puk ogogwaarak.

2 Tamuwen 18:17

Puk ogo nogogwaarik, at Abatalom eebe warak nogo waganogo eyonggaame mbuun ambe nggwok me, mbo tek agago wuppogo nogogwaarik, yugum yele-kole yagabit tobo eerogo pugwi iigak, it aakumi Iterali mendek nogo abok aret inalitak iname lombok mbaganit nogogwaarak.

2 Tamuwen 2:28

Yoge nagagerik, at Yowap nen oone nggwok eeka trompet nogo oone pu eeke mbareegi, awuri nogo nen Iterali muguren nogwe, inom wim ambinom eekwi, eerulik puk aret ogogwaarak.

2 Tamuwen 20:1

Ti eekwi eyom paga aap Mbeniyamin mendek Mbikiri aput ndugwi iyak wuka endage Teba, time wonage me, at nen oone nggwok eeka trompet nogo, oone pu eeke nagagerik, wone ari logonet, “At Ndawut nen nit ambi eeppinangge, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nanip o.”

2 Tamuwen 20:16

kwe ambi iniki warak o kota time mendek nen ari logonet, “Wologwe yi wae. Kinaruk o. At Yowap ti, an nimbirak wone mbanikit nduk panggo yi woraayok o.”

Wone Alom Kibingga 7:19

O kota ambi it aap ineebe 10 unde wonogwe paga o omaawi negen menggerak kwe, Aap iniki warak ambit nen iniki warak logonet, eerit nage paga ti, at omaawi mondok alik iya negen menggerak o.

Wone Alom Kibingga 8:11

Maluk eekwi onggo mbet-mbet inoba kwippiiga'lek kenok, aakumi nen maluk eerit noorak mban inikime koonit nugu menggaarak.