2 Tamuwen 20:2 - Ala Wone Peenok Peebi Mbanak

² Yorage mbareegi, it aap Iterali mendek nogo abok aret at Ndawut mbo punuk, aap Mbikiri aput Teba nogo mugurok nogwe iigak, it aap Yekura mendek nogo perak, yi Yoraran kuli nen inowe endagembogut inom perenak aret o Yerutalem wogogwaarak.

2 Tamuwen 20:2 Cross References

2 Tamuwen 19:15

Nappiyareegwaarak yori nogo mbareegwa, at Ndawut nogo awuri inom niyo Yoraran aa'nggi paga ari wogogwaarak wonogwe iigak, it aap Yekura mendek nogo nen, “Niyo Yoraran wunda nogo logomonggoorik, ninom lambumbunuk, wogoren woraawok o,” yinuk, o Nggilagan taa'nogo inarum a nogogwaarak.

2 Tamuwen 20:1

Ti eekwi eyom paga aap Mbeniyamin mendek Mbikiri aput ndugwi iyak wuka endage Teba, time wonage me, at nen oone nggwok eeka trompet nogo, oone pu eeke nagagerik, wone ari logonet, “At Ndawut nen nit ambi eeppinangge, Aap Itayi aput nen nineyate wo'nirage, Eerigin lek aret me, Aakumi Iterali yi wae. Kinalitak lombok kinawooliyana nanip o.”

2 Tamuwen 20:21

Ata, an mugurok wagarak nogo ti, aap ambi puut nggelok-nggobok o Eparayim mendek Mbikiri aput Teba Ndawut imbirak wim agaarak nogo, o kota yime wagaarak kenok, mugurok wogoorak me, kat nen wo'nege kenok, an o yime nen aret name naakit o.” Ari mbareegi, at kwe nogo nen ari logonet, “At anobak mbanak yugum pak wurik yi paga nen mbo wunggiri woraakit o.”

2 Tamuwen 20:3

At Ndawut nogo iyokan awi o nggwok abe wurik Yerutalem nogome abu aret wage nagagerik, wonage logonet, at akuwi ayeloman mendek wogo 10 o nggwok abe wurik arum logowak nduk piinok wundeegerak nogo, waganogo o ambime mambiige nagagerik, inarum logowak nduk, aap ambi mippege, inambi nonggo logowak nduk, wogorage, eereegerak kwe, inom nogo yega'lek kumi nanu wonogo mengga kwak o nogome keele maarak negen logonet, kambit nogo nogogwaarak.

1 Endagembogut 12:20

Ndi, it Iterali mendek nogo at Yerobeyam iyokan wagagerak inaruk konenggo nogogwaarik, it Iterali wonogwe nogo abok aret inom wone mbanuwok nduk, yonggo yori wogogwaarak nage mbareegi, Iterali inowe endagembogut logowak nduk, mippereegwaarak. It aakumi Yekura mendek nen mban, “Aap Ndawut ombowologwe wiganak mendek nen ninowe endagembogut logowak o,” yinuk, mbako nogogwaarak.

2 Mbinineegwaarak 10:17

Ti nogwe iigak, aap Erekabeyam nogo aakumi Iterali mendek inawi o kota-kota Yekura wonogwe nogo mban inowe endagembogut logonet, wone lengganogo yorage nagagerak.

Ndawi 62:9

Inendage lek ndarak inoba panggonak wonogwe ti, We aanom warogo aret kagak eekwi, “Aap inendage warak ndarak inoba panggombinip o,” Yinuk, yogwe nogo ti, Abe ariyak lek pilit kagak panggombuurak yogwe, Eeko menggaarak me, “Op inoba panggombuurak ngge o?” yinuk, wakkaanuk, Aap inambe aagi ne ambit wungge menggi kwak, Imbirak ndak-ndak wonogwe iyaamunggup o.

Kini Wuppiige 17:14

Ndugwi puwok nduk, eekwi nogo ti, niyo narak paarogo pugwi kwak aret me, Wone-wone yogwe nogo ndugwi puurak awo aga'lek kagak, mbo pogo logonip o.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.