2 Tamuwen 2:26 - Ala Wone Peenok Peebi Mbanak

²⁶ Ti eeppunuk logonet, at Abenet nen Yowap nogo yoge, “Kawooluwak ti paga mban nenet nage logorak ti op mbaken? Nit yi eekwi paga peebi niniki andi eeppinaniyak lek mba'nuk, eeke agandik? Kawuri nen kinowe-kinawot nit mu'niren wogwe nogo, ne mande logonuk, puk aruwak nduk, yoraamunggun o?”

2 Tamuwen 2:26 Cross References

2 Tamuwen 11:25

Yoge mbareegi, at Ndawut nen aap wone yori wagagerak nogo yoge, “Wim eeko logonet, aap inetenggen yomboonogo inookulik ugun aret inooko menggaarak me, aap Yowap iniki ma'narugurik o. Ata, iniki nu'lek ogogumbuk a'nuk, awim inawi kota paga kwi'nari unggwage logomenggerik, mondok pup eerogo piyoorak wakkenet unggwage logowak nduk, wone yi yori nak o,” yinuk, eerogo nappereegerak.

2 Tamuwen 2:14

Ti eeppunuk, wonogo logonet, aap Abenet nen Yowap yoge, “Nit ninigen niigak, an nawuri inom, kat kawuri inom, ta omaawi age kaamun? yinuk, wakkaawak o.” Yoge mbareegi, at Yowap nen, “Op aret me wakkaawak o,” yoreegerak.

2 Tamuwen 2:16

Ti eeppunuk, it inalitik-inalitak lombok inenggaanok yomon-yomon a'nuk, ndut kenenak paga at ambi kirip me linggagak, at ambi kirip me linggagak, eerogo patinuk, kambeegwaarak. Ti eereegwaarak paga o Nggibeyon nogome endage, “Ndut Paga Ndanun-Ndanun Yereegwam o,” yinuk, tooneegwaarak.

2 Tamuwen 2:25

Ari nogogwaarak wonogwe iigak, it aakumi Mbeniyamin mendek nogo Abenet inom lambunggo nogogwaarik, puut kirin paga time kuwak eeppunuk, enaarak wonogogwaarak.

2 Tamuwen 2:27

Yoge mbareegi, at Yowap nen wone onggo yoge logonet, “Kat wone yi yo'nenetak lek nen, an nawuri ninom nen nowe-nawot kit mukkiren-makkiren nugwi niigak, o aret wee'netak o, yinuk, at eenik menggerak Ala endage kumbunuk, abet aret yokkigi o,” yoreegerak.

Ayup 18:2

“Kat wone agan nage yi, ngge kuli pi namunggun? Kiniki liippu o. Liippege keegak, wone ambi yokkiruwi o.

Ayup 19:2

“Niniki andi eerogo panege, Kat koone paga nen niniki wakkolaakit nduk eerogo pangge, Eeke keegak, ne mande arigin o?

Ndawi 4:2

Kit aap yi wae. Nendage tiyanak nogo maluk eerogo panugwi kiigak, Ne mande ari nagin o? Lek ariyak mendek kagak kiniki kunik eekwi, Pilit wone kagak kwaarit nugwi, Eekwi kiigak, Ne mande ari nagin o?

Kini Wuppiige 17:14

Ndugwi puwok nduk, eekwi nogo ti, niyo narak paarogo pugwi kwak aret me, Wone-wone yogwe nogo ndugwi puurak awo aga'lek kagak, mbo pogo logonip o.

Yetaya 1:20

Eeriyak, ineebi mba'nuk, mbo pugwi iinok perak, Wooluwak nen ambeme yonggorinabigin o,” yinuk, Aliku ALA nen abet aret yegerak me, yokkiragi o.

Yeremiya 12:12

It aakumi o yi, irip ambime wonogwe nen irip ambime wonogwe nogo abok aret Ineenik ambi teppiyaagun lek Naliku ALA nawooluwak nen nenet nage me, It maluk eerogo piiga nen o karume puut-puut puluk ko aago paga ari wa'nuk, inoba kwi'nari wambi wogo agaarik o.

Yeremiya 2:30

Inapuri iniki koonnaruwak nduk aaninggin inoba piige nagagirak kwe, liirogon woolik me, We aanom warogo inoba piige nagagirak o. Singa at noorak abu nen oone nggwok agan nage menggi kwak, It aap an nen yorage neegak yoraga nogo abok aret inawooluwak paga nenet nagagerak o,” yinuk, Aliku ALA nen aret yegerak me, yokkiragi o.

Yeremiya 4:21

Ndiimbu walok eekwi nenegen kage neegak, ne mande ari nage, Ndi, oone nggwok eeka trompet oone pu eekwi naruk konengge neegak, ne mande age, Eerigin mbakop?

Yeremiya 46:10

Ti eeriyak eyom nogo ti, Aliku ALA nen awim onggo eeppiyoorak aret o. Awim onggo eeppiyoorak aret me, At Omaawi Lombok Menggerak Aliku ALA onggo eeppiyoorak ake punik aret o. At Omaawi Lombok Menggerak ninogoba Aliku ALA nen O omarip paga pa'nggwe niyo Eparat aa'nggi paga taati ndomba warogo wogogwi kwak awim ineebe inoorit nagin me, Awooluwak awo ndonggoppega'lek kagak nenet mban nage, Inamiya ndonggoppanegi o, yaga'lek inoorit mban nage, Eeke logogin o.

Yeremiya 46:14

“It aakumi o Metit wonogwe nogo yorage, It o Migiron wonogwe nogo yorage, It o Membit wonogwe inom, o Tapanaket wonogwe inom, yorage, Eeke logorak nogo yi aret. Aakumi it inaagan-inambokan wonogwe ti, wooluwak paga ineebe nenet nagin me, ineegin-inawooluwak woppunuk, Wim eeri nawam lombok arit nawak o.

Oteya 11:6

Maale namburik it wonogo menggam kota-kota pinda agan wambit nage, Inawi pak wurik wa'mbit mbuti paga eerak narak nogo, kalenak-pugunik eerogo wurabit nage, It eeriyak koonit nugwi nogo, lek eerogo piinet nage, Eerigin o.

Nappiigak 7:26

Nogo ambi yippunuk, ko'lu nen at awuri Iterali mendek mbere yawi pugwi enegen iige nagagerik, ogoorinake logonet, Nawuri o. Kit kimbirak nore-kore aret kwe, nano nduk yawi wat-wat yogo ogotik o? yinuk, yorage mbareegi,