2 Tamuwen 2:23 - Ala Wone Peenok Peebi Mbanak

²³ Yoreegerak kwe, kagak aret mugurok mban nege mbareegi, at Abenet nen awooluwak paga ambo'me nen aanogum ndanunggagagerak polok togon ambokan wungge mbareegi, mbo noolik, iyok pereegim taati aret ngginnage nagagerik, kambeegerak. Kangge mbareegi, it aap wim mbaganit nogwe nogo, aap Atayen warak me ari nogo nogogwaarik, uwik togon taati puk ogogwaarak.

2 Tamuwen 2:23 Cross References

2 Tamuwen 2:24

Togop aago iigak kwe, at Yowap Abitayi imbirak nen at Abenet nogo mondok mugurok mban nugwi iigak, oonegen kilu yi nage mbareegi, o Nggibeyon abeenok karume nogo menggam o Nggiya oonegen lagi wage menggim pa'nggwe puut endage Ama time ari nogogwaarak.

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Tamuwen 3:30

O Nggibeyon nogome wim nambuko logonet, aap Abenet nogo nen Yowap Abitayi imbirak inawuluk Atayen wareegerak me, it imbirak nen Abenet wareegwaarak kenok, yereegerak o.

2 Tamuwen 4:6

Nogo nogogwaarik, ame unggunuk, imbirak gandum waganggwi yuwak eeppunuk, melarogon ko at nogo yege me unggwi nogo nogogwaarik,