2 Tamuwen 19:9 - Ala Wone Peenok Peebi Mbanak

⁹ Iterali ineegin warak mbaganit iname lombok nogogwaarak nogo inanebunu abok aret it mban-mban wone wako logonet, “Aap ninowe endagembogut Ndawut nogo ninawim ineenggime nen ndinninake, it aakumi Pilitin mendek ineenggime nen ninagap ndake, eereegerak kwe, at Abatalom paga o yime nen nit mbo pinaninuk mbagangge,

2 Tamuwen 19:9 Cross References

2 Tamuwen 15:14

Yori wage mbareegi, Ndawut nen at awuri inom yabu eeko menggaarak o Yerutalem wonogwe nogo, yorage logonet, “Wologwe! Nawi aret o. It Abatalom awuri inom ninooriyak nduk wogwe yi aret me, elaambirik wonogwe kenok, it wogo logomenggaarik, nit awo mbaganit nogwe me, mu'niren ninoori nogwe, inawooluwak paga o kota yime wonogwe nogo inoorogo piigwi, eerukwak, nit mbet-mbet aret kole mbaganuwi o.”

2 Tamuwen 18:17

Puk ogo nogogwaarik, at Abatalom eebe warak nogo waganogo eyonggaame mbuun ambe nggwok me, mbo tek agago wuppogo nogogwaarik, yugum yele-kole yagabit tobo eerogo pugwi iigak, it aakumi Iterali mendek nogo abok aret inalitak iname lombok mbaganit nogogwaarak.

2 Tamuwen 19:10

ndi, aap endagembogut logonet, ninarum logowak nduk, amburu eerogo mippogoorak Abatalom nogo, wim eeko logonet, wakaarak kangge, eekaarak me, aap endagembogut nogo iyokan wonok pi woroorak yaga'lek nonggop nduk ninoone lek puk mban ogoorik?” yinuk, yereegwaarak.

2 Tamuwen 19:40

Nage kagak, aap Yekura mendek abok aret inom, aap Iterali mendek eegu inom, aap endagembogut niyo Yoraran yibaga pi wunda wogo mbareegwa, aap endagembogut nogo o Nggilagan nen wage me, aap Kimakan nogo imbirak aret wogogwaarak.

2 Tamuwen 22:44

It an mendek nen nooriyak wogwe me, nagap ndake, Yi aakumi ndi aakumi inowe logorak unde eeppanege, Eeke keegak, Aakumi neenggo'lek mendek nabu'me ari wogwe,

2 Tamuwen 5:20

Yoge mbareegi, at Ndawut nogo o endage Mba'an-Peratim nage nagagerik, it aap Pilitin nogo aret tebenogo piinok, at Ndawut nen ari logonet, “Niyo wu'nuk nage menggi kwak, at Aliku ALA pilak ari logonet, aa'nduk a'nuk, nawim tebenogo piinet nagaarak o,” yereegerak kenok, o endage, Mba'an-Peratim, aret toonogo pereegwaarak.

Ndawi 18:43

Aakumi nen an nooriyak wogwe me nagap ndake, Yi aakumi ndi aakumi inowe logorak unde eeppanege, Eeke keegak, Aakumi neenggo'lek mendek nabu'me ari wogwe,

Wundeegwaarak 32:24

Yo'nogo mbaka, an nen, Mbuti emas kinobaanggi-kinobaangge eerak nogo nggoorogo wonok niri woraanip o, yoragarak niri wogo mbaka, kani kunik me mbo mambege mbaki, tapi aagaluk ogut aret a'nuk wundi wagaarak yi aret o.”

1 Tamuwen 17:50

Enete wanduk ngginnage mbareegi, at Ndawut nogo mbe agan aap Pilitin mendek warak wonage me, owagam mi'nari nage nagagerik, aap Pilitin mendek obaloowi awina wonage nogo nggiginogo eebe warogo punuk, anobak mbanogo waganeegerak. Ti eereegerak nogo ti, wooluwak eenggime lek we yugum anggen paga inom, keele paga yugum nggelembunuk nappuurak nogo paga inom, aap Pilitin mendek nogo warogo pege nagagerik, eegin tiyak yereegerak. Ndi, it aap Pilitin mendek apit aret inowe wakaa'ngget endage tiyanak nogo, kangge enegen kogo nogogwaarik, kole mbaganit nogogwaarak.

1 Tamuwen 19:5

At Ndawut nen aap Pilitin mendek Nggoliyat nogo, wake logonet, at iniki mondok nggaruk togon, Nooruwak, mbake nagagerik, wareegerak paga at Aliku ALA nen nit Iterali mendek abok aret nineegin tiyak yuwak nduk, eeppinaneegerak nogo, kat togon kenegen kage nagagindik, kale'nggen mbareegindak kwe, Ndawut maluk eerulik ugun wonage kagak, alom nano eekerak paga wariyak ari agandik?” yinuk, yoreegerak.