2 Tamuwen 19:39 - Ala Wone Peenok Peebi Mbanak

³⁹ Ndi, at Ndawut inom wonogogwaarak nogo, niyo Yoraran wunda wogo mbareegwa, aap endagembogut Mbaritilayi imbirak wunda wage nagagerik, aap Mbaritilayi keyage wappege logonet, agandin eyak mbambunuk, ale'nggen oba pege mbareegi, aap Mbaritilayi nogo iyokan ame aret nagagerak.

2 Tamuwen 19:39 Cross References

Wakkagagerak 14:19

ale'nggen Abaram oba pege logonet, “At mbogut-nggween wakkagagerak Agi Tiyanak Lombok Menggerak Ala nogo nen ale'nggen koba pagage logowak o,”

Wakkagagerak 28:3

Ndi, at Omaawi Lombok Menggerak Ala nogo nen ale'nggen koba pagamenggerak paga kapuri ambik aret ndaganake, kombowologwe ambik aret wigak yogwe, eerit namenggaarak paga kat keebe ti, yi aakumi ndi aakumi inanebunu lombok wiganogo piyaamunggun o.

Wakkagagerak 31:55

Ndi, ko'lu kuubondendok at Laban nogo nen ombowologwe inom, apurilogwe inom, inagandin eyak mbaninake logonet, ale'nggen inoba piige nagagerik, iyokan ame aret nagagerak.

Wakkagagerak 45:15

Le yogo nogogwaarik, oweewi nogo abok aret panggeppiinok le ari, keyage warogo inagandin eyak mbaninake, eeke nagagerik, inom wone mbaneegerak.

Wakkagagerak 47:10

Yoge nagagerik, ambinom aret at Pirawun ale'nggen oba pege nagagerik, Pirawun wonage me nen wundi nagagerak.

Wakkagagerak 47:7

Ti'nuk peebi, at Yutup nen ogoba Yakup nogo wonok Pirawun eenu aruwak nduk, owagam wage nagagerik, at Yakup nen aap Pirawun ale'nggen oba pege mbareegi,

2 Tamuwen 13:25

Yoge mbareegi, at ogoba endagembogut nogo nen Abatalom yoge logonet, “Ti yagandak kwe, meek o, naput. Nit abok aret noorak kenok, aaninggin eerogo pagukwak, nit abok aret noorak lek o.” Yoreegerak kwe, at Abatalom nogo oone nabenak mban yoreegerak mendek at ogoba nen noorak eebi mba'nuk, “Kit mban ee'nu o,” yinuk, ale'nggen oba pereegerak.

2 Tamuwen 14:33

Yoreegerak nogo at Yowap nen aap endagembogut nogo yori nage mbareegi, aap endagembogut nen at Abatalom wiireegerak owagam wage nagagerik, endobanggun yindumbunuk, etenggen nggween paga wandinik wonage me, aap endagembogut nogo nen keyage wake logonet agandin eyak mbaneegerak.

2 Tamuwen 19:38

Yoge mbareegi, aap endagembogut nogo nen aap Mbaritilayi nogo yoge, “Aap Kimakan yi, an nimbirak aret wunda naakit o. Nimbirak wunda nage logominggirik, Yogop eeppuurak, nombakendak nogo, at aret eeppege, ndi, kat kunduk, nggino yo'nege keenok eeppagage, eeke logogin o,” yinuk, yoreegerak.

2 Tamuwen 6:18

Nogo eeke nagagerik, at Omaawi Lombok Menggerak Aliku ALA endage kumbunuk it aakumi Iterali mendek abok aret ale'nggen inoba piyareegerak.

2 Tamuwen 6:20

Nogwe iigak, at Ndawut nogo at inom menggaarak ale'nggen inoba piyaakit nduk, ame nage mbareegi, Tawun apuluk kwe Mikan nogo wundi woraanuk, at Ndawut imbirak lambungge nagagerik, yoge logonet, “It aakumi Iterali inowe endagembogut yi, aap iniki mbanak inayum yirik lek nugu mengga kwak, o yogondak yi paga it komologwe kayeloman mini inigen iigak kenggali lek, kayum yirik lek nege keegirak nogo ti, Wi, kombaki o.”

1 Endagembogut 19:20

Oba lenggembege mbareegi, at Elita nen aanggumi tapi nogo mbo piinok, nggare agan Eliya ka wage nagagerik, yoge logonet, “Aa'nduk nagalo-nogoba keyage warogo inagandin neyak mbambiinok, nimbirak nawok o.” Yoge mbareegi, at Eliya nen, “An nano eeppagagirak paga mu'neren wagan. Kiyokan nak o.”

Linggineegwaarak 24:25

Ari nagagerik, at Mbileyam nogo nen, “Name na o,” yinuk, iyokan ame nage, ndi, Mbalak kunduk, ame aret wage, eereegwaarak.

Lukat 2:34

Pi wakwi iigak, at Timeyon nogo nen ale'nggen agalo-ogoba inoba piige logonet, at agalo Mariya nogo yoge, “Elege yi, it aakumi Iterali mendek apit aret tiyappiige-tebeppiige, eeke logowak nduk, at Ala nen mippereegerak o. Aakumi ineenu aruwak nduk, mippereegerak kagak, aakumi apit, Nineebi o, yinuk, yogwe nogo paga inikime mbakwi nogo tena'me age logogin o.

Nappiigak 20:37

Tamban eeppogo nogogwaarik, at Pawulut eebe panggeppunuk, ale yogwe, keyage wappugwi, eekak mban eereegwaarak.

1 Tetalonika 5:26

Keyage wat-wat yogo logonet, kiniki kunik paga linggik-kambuk yogo logonip.

Urut 1:14

Yorage mbareegi, inoone nggwok paga le yogo logonet, at Orapa nogo nen eenggelo nogo linggik-kambuk eerogo agandin eyak mbangge nagagerik, ame aret nagagerak kwe, at Urut nogo perak, “Nimbirak aret noorak o,” yinuk, perenggolage mbareegi,

1 Tamuwen 24:22

Yoge mbareegi, at Ndawut nen, “Op aret yagan o,” yinuk, Ala owak mbaneegerak. Mbangge mbareegi, Tawun nogo ame iyokan wage kagak, at Ndawut awuri inom iniyokan yugum pak wurogo pereegim nogome aret unggwi nogogwaarak.