2 Tamuwen 19:35 - Ala Wone Peenok Peebi Mbanak

³⁵ An nda'nagagirak neegak, tahun 80 aret agaarak me, an nen, Yi obeelom, yi maluk, yinuk, liippege, an kayeloman nen mbi inom, niyo inom, nengge logonet, Yi ombat abe kagi, yi ombat maluk kagi, yinuk, liippege, ndi, ndawi yi, aap nen wakwi iigi, yi kumi nen wakwi iigi, yinuk, liippiige, eeriyak nobam lek aret agaarak me, kat nowe kendagembogut nimbirak nage kenok, aaninggin abunuk koba ariyak me, an kayeloman nonggop yo'negen o?

2 Tamuwen 19:35 Cross References

2 Tamuwen 13:25

Yoge mbareegi, at ogoba endagembogut nogo nen Abatalom yoge logonet, “Ti yagandak kwe, meek o, naput. Nit abok aret noorak kenok, aaninggin eerogo pagukwak, nit abok aret noorak lek o.” Yoreegerak kwe, at Abatalom nogo oone nabenak mban yoreegerak mendek at ogoba nen noorak eebi mba'nuk, “Kit mban ee'nu o,” yinuk, ale'nggen oba pereegerak.

2 Tamuwen 15:33

Ndawut nen at yoge logonet, “An nage me kat nimbirak noorak kenok, aaninggin eerogo panukwak,

2 Tamuwen 19:36

An eeppagareegirak nogo onggo, Ndogop eeppikit, nombake ti mage o. Ata, an kayeloman nen kat nowe kendagembogut wokkeren niyo Yoraran enebagan iluk taati pagi wundanuk, niyokan woraakit nduk, E, yo'niru o.

Etara 2:65

It inayeloman mini aap inom, kumi inom, wogogwaarak ineebe lambunik ti, tujuh ribu tiga ratus tiga puluh tujuh aret. Ndi, it ndawi tiyangga aap inom, kumi inom, wogogwaarak ineebe lambunik ti, dua ratus aret.

Nekemiya 7:67

It inayeloman mini aap inom, kumi inom, wogogwaarak ineebe lambunik ti, tujuh ribu tiga ratus tiga puluh tujuh aret. It ndawi tiyangga aap inom, kumi inom, wogogwaarak ineebe lambunik ti, dua ratus empat puluh lima aret.

Ayup 12:11

Ninamili paga mbi ombat wakkogo monggo kwak Wone yogwe nogo, ninaruk paga konembunuk, Yi abe aret kagi, yinuk, waganggo monggoorak nogo lek a?

Ayup 6:30

At pilit pugunogo yo'nirage, nombakwi, Ndi, At ngge eekerak o? yinuk, iniki koonit naga'lek, nombakwi, Eekwi kiigi o.

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Wundeegwaarak 12:4

ndi, ineebe mbereeluk mban wonogwe me ndomba ambit warak nogo inalik tigitogon noorak meek kenok, it inawi koorok wonogwe nogo ineebe liippiinok, ndomba noorak ndak-ndak kenok, inom lambumbunuk, warogo nunggwi, eeko logowak o. Ndomba wariyak nogo ti, aakumi ineebe linggimbunuk, noorak ndak-ndak mban wako logowak o.

Wundeegwaarak 2:8

Yoge mbareegi, Pirawun apuluk nogo nen, “Op aret o.” Yoge mbareegi, kolaga nogo nen elege agalo nogo wiiri nagagerak wage mbareegi,

Wone Alom Kibingga 2:8

aap inendagembogut inom, it inabu'me logonet yi o ndi o unde menggaarak inom, inamendek iniki kundugu mbuti perak inom, emas inom, kuwak eerogo pako menggaarak mendek, an kuwak eerogo pake, ndawi tiyanggak kumi-aap koonogo piige, aap iniki ale'nggen eeppiigak kumi nogo kuwak eerogo piige, eeke nagagirak o.

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.