2 Tamuwen 19:29 - Ala Wone Peenok Peebi Mbanak

²⁹ Yoge mbareegi, aap endagembogut nen at yoge logonet, “Kat wone ari abu yelok keegirak me, ambinom yugun o. Ata, nggween nogo Tiba kimbirak mogonggolaamunggup nduk, wone nggaruk togon yokkiragi o.”

2 Tamuwen 19:29 Cross References

2 Tamuwen 19:28

Ndi, an nogobamini inom, nowe-nawot inom, it abok aret eereegwaarak paga kat nowe kendagembogut nen inoorogo piige logonet kwe, an kayeloman nalik aret it kinom mbi nonggo menggaarak nogo, ninom mbi nengge logokit nduk koonogo paneegindak me, an nowe kendagembogut ambinom koonogo panenok nduk, yokkirigin lek o.”

2 Tamuwen 19:30

Yoge mbareegi, at Mepibotet nen aap endagembogut yoge, “Kat nowe kendagembogut keebe obeelom aret kiyokan wage me, nggween nogo ti, at alik aret kolaawak o,” yinuk, yoreegerak.

2 Tamuwen 9:2

Ari nagagerik, Tawun apuri mendek inayeloman endage Tiba aret wonagagerak me, Ndawut wonage me woraawak nduk, wiireegwaarak wage mbareegi, aap endagembogut Ndawut nen at yoge, “Kat Tiba aret ilik?” Yoge mbareegi, at Tiba nen, “Kayeloman an aret o, nogoba.”

2 Tamuwen 9:7

Yoge mbareegi, at Ndawut nen at yoge logonet, “Kat kogoba Yonatan nimbirak niniki kunik wonagagirak paga kabuwa nen obeelom eeppagakit nduk, wiigigirak me, kagabiti mbarugun o. Obeelom eeppagage logonet, kombo Tawun anggween nogo abok waganogo kat wokkege logominggirik, kat nimbirak yime mondok logonet, ninom mbi nonggo logogun o,” yoreegerak.

2 Tamuwen 9:9

Yoge mbareegi, aap endagembogut nen Tawun ayeloman Tiba nogo wiige nagagerik, wage mbareegi, yoge logonet, “At Tawun nogo apuri inom inanggween eege, inayi mendek ndi mendek eege, abok aret kat kogoba ombooluk Mepibotet muk wogogirak me,

Ndawi 101:5

Aap ambi ore eebe lek kagak meek eerogo pege kenok, At eebe ti, enggaawak lek eerogo pege, At aap, “An iya,” mbake logonet, iniki wogoppake nogo An teppuurak meek me, onggo eeppege, Eeke logogin o.

Ndawi 82:2

“Aakumi yiluk-yiluk inowak loonggwi iigak, Inaana'le mbanggwi, It maluk eeka inom ari nanuk, inom wone koonggwi, Eekwi kiigak, Ne mande ari nagin o.

Kini Wuppiige 18:13

Aap ambi wone awo aruk liirogon konengga'lek logonet wone onggo mbet-mbet ari ti, Aakumi nen, “Wi negen agan nege kenggali o,” yinuk, yogo menggaarak o.

Nappiigak 18:15

kit wone yugu eeko logonet mbuulogwe-mbaalogwe eeko monggotak nogo paga yilumbunuk wone wakwi me, an nen wone amburu mbanogo yokkiroorak neebi o. Kit kinalik kinobaalombok koonggo logonip o,” yinuk,