2 Tamuwen 19:19 - Ala Wone Peenok Peebi Mbanak

^19-20 yoge logonet, “Kat kawuri kinom o Yerutalem nen wundi woraanuk wogwe me, an kayeloman nen maluk eeppagareegirak nogo kiniki abeke, ndi, Aap maluk eeppaneegerak nogo yi o, yinuk, keebi nombake, eerugun o, nogoba. An kayeloman yi nen aret maluk eeppagareegirak neenu me, kat nowe kendagembogut nimbirak lambunikit nduk, o yogondak yi paga at Yutup ombowologwe abok aret inenggela'me nen an naa'nduk a'nuk, keya wagi o. Togop aret me, an eeppagareegirak nogo, kat nowe kendagembogut aberak logorak mage o.”

2 Tamuwen 19:19 Cross References

2 Tamuwen 13:20

Le agan nage nogo oweeluk Abatalom kage nagagerik, at yoge logonet, “Koweeluk Amonon nen kat maluk eeppagagerak kenok, agan wage a? At koweeluk nen aret maluk eeppagagerak kenok, kat nawuluk kiniki ambi koonggak yuurak mage o. Ata, koone lek puk aru o.” Yoge mbareegi, at Tamat nogo oweeluk Abatalom ame time nage nagagerik, iniki puru aago alik aret wonagagerak.

2 Tamuwen 13:33

Togop aret me, nogoba o. At Amonon alik mban kanggerak kagak, Kapuri abok aret kanggaarak o, yinuk, wone yokkiri wagaarak paga kinikime ndoguk yi unggwage mage o,” yoreegerak.

Ndawi 32:2

It aap inomaluk mbo pereegwaarak nogo Aliku ALA nen eenggi lingginggeelik kenok, Iniki mbere lek ambit eeppunuk wonogwe iige kenok, Inale'nggen aret mbako logowak o.

Ndawi 79:8

Nit ninombomini maluk eeko nogogwaarak onggo nit ninoba kwippinaniyak ti mage o. Ata, nit niniki abu lek-lek ee'ninake me, Ninabuwa mba'nuk mbet-mbet aret ninomaawi eeppinani woraamunggun o.

Wone Alom Kibingga 10:4

Iniki yanggoppunuk wonogwe paga maluk nggwok lombok eeriyak age nogo lek aret age menggerak me, Aap karum menggerak nogo nen mbekkege kenok, kat yabu unde logorak yokkereegim nen mbo punuk mbaganiyak mage o.

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Yeremiya 31:34

It inendage abu tiyanak inom, inendage abu teberak inom, abok aret neebe ineenu arugun me, Aap ambi at imbirak menggerak nen, Aliku ALA ndogop o, yinuk, mamunege, Aap ambi oreeluk yoge logonet, Aliku ALA eebe keenu aru o, yinuk, yoge, Eerugun lek aret o. It inobaabut maluk lombok logonet eekwi nogo, an nen lek eerogo pege, Ndi, inomaluk eekwi nogo an nen aberak logogin lek nami eerogo pege, Eerigin o,” yinuk, Aliku ALA nen aret yegerak.

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

2 Korindut 5:19

At Ala nen, “An nogo ti, yi aakumi ndi aakumi abok an noone taganggwi iigak kwe, neenggi linggingga'lek aret logonet, Keritut eereegerak paga ninom lambunnogogurak o,” yinuk, yorogo logowok nduk, wone unde eeppinaneegerak eebe nogo ti aret o.

1 Tamuwen 22:15

Ndi, an nen at ake Ala yogirak nogo ti, we yogondak yi mban eekirak mbaken? Lek o. Eeke minggirak aret me, wone alom yi agaarak nogo ti, an kayeloman neenggo'lek aret me, kat ninogoba kendagembogut nen kayeloman an inom, nowe-nawot inom, wone yi ninoba lenggenugun o,” yinuk, yoreegerak.

1 Tamuwen 25:25

At Naban nogo ti, obaabut abu maluk me, yegerak liippuurak ti mage o, nogoba. At endage ti, Wi Yuundurak, aret me, endage ndak-ndak wi negen aret agan nege menggerak. Ndi, an nogo, nogoba kat kawuri nappiigendak nogo, an kayeloman nenegen abu iyoolik o.

1 Tamuwen 26:21

Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”