2 Tamuwen 18:4 - Ala Wone Peenok Peebi Mbanak

⁴ Yogo mbareegwa, aap endagembogut Ndawut nen it yorage logonet, “Kit eeriyak nombakotak nogo mban eeke logokit o.” Yorage nagagerik, o kota tu unggwogo menggam taati mi'ndak wonage kagak, awuri ineebe 100 aago nogo aret wundi nogwe, seribu aago nogo aret wundi nogwe, eerit-eerit age yubuneegwaarak.

2 Tamuwen 18:4 Cross References

2 Tamuwen 18:1

At Ndawut nen aap at inom wonogwe nogo kuwak eeppiinok, aap ambi ineebe seribu inowe logowak nduk mippege, aap ambi ineebe 100 inowe logowak nduk mippege, eeginabit nage nagagerik,

2 Tamuwen 18:24

Ndi, at Ndawut nogo yagat pak wurik tungga endekem-akem mbanak kagak oolo taati kwi'ndak wonage me, aap ambi o arum menggerak nogo, yugum yagat wurik paga lagangge nagagerik, tu unggwogo menggam awe aago ndoonak paga mi'ndak logonet, enegen pilarogon pe'nage nagagerik, aap ambi alik mban mbe agan wage enegen kagagerak.

2 Tamuwen 18:5

Age yubuk togon wundi nogwe iigak, at Ndawut nen Yowap inom, Abitayi inom, Itayi inom, wone lengganogo yorage logonet, “At Abatalom ti, an napuluk awo tawe aret me, yanggorogon aret eeppuurak o, nawuri,” yinuk, inoweewi wone lengganogo yoragagerak nogo, it aap ineegin warak abok aret inaruk koneneegwaarak.

Yetaya 28:6

At aap inowak loongga nen a'me nggelok mban inowak loongge logowak nduk inikime eeppiige, O kota nogome inawim nen inoori unggwi wogwe iinok, mugogo nappiyaawak nduk, iniki wakaa'ngget agago piige, Eerigin o.

1 Tamuwen 29:2

Eeppunuk, wonogwe iigak, it aap Pilitin mendek inawuri ineegin warak nogo, ambi awuri ineebe 100, at ambi awuri ineebe seribu, inoweewi inendagembogut inom ndegen-ndegen inaa'nduk wogwe iigak, at Ndawut awuri inom aap endagembogut Akit nogo inom a'nuk, inambo'me wogogwaarak.