2 Tamuwen 18:32 - Ala Wone Peenok Peebi Mbanak

³² Yoge mbareegi, aap endagembogut nogo nen aap Kuti mendek nogo kin wakkage logonet, “Aap tawe Abatalom nogo eebe obeelom aret wonage ilik?” Yoge mbareegi, at aap Kuti mendek nogo nen, “It kat kinom wim mbanak menggendak inom, kat tebenogo pagawok nduk eekwi inom, kaput tawe eeppegaarak nogo ndak-ndak aret eeppiyaawak o,” yinuk, yoreegerak.

2 Tamuwen 18:32 Cross References

2 Tamuwen 18:21

Yoge nagagerik, aap Kuti mendek ambi yoge logonet, “Kat kenegen kagandak nogo, aap endagembogut yori nak o.” Yoge mbareegi, at aap ti, tebe yinuk, ayuk wuke nagagerik, mbe agan aret yori nagagerak.

2 Tamuwen 18:29

Yoge mbareegi, aap endagembogut nen at yoge, “Aap tawe Abatalom nogo, eebe obeelom aret wonage ilik?” Yoge mbareegi, at Akimaat nen onggo at yoge logonet, “Kat nowe kendagembogut an kayeloman wagarak yi, at Yowap nen wone eerogo nappani wagaarak wage logonet, noone-koone yogwe iigak wagarak me, nonggop agaarak nogo an neenggo'lek o.”

Ndawi 109:20

Aap eeppuurak yagarak nogo aret it aap inoone an liirit yo'nugwi, Inoone maluk noba pugwi, Eekwi nogo onggo Aliku ALA nen it aret eeppiyaawak o.

Ndaniyen 4:16

Aakumi iniki warak mengga kwak lek, wam iniki kumbunuk nege kagak tahun 7 aret eeruwak nduk teppuwak o.

Ndaniyen 4:19

Yoreegerak at Ndaniyen endage ambi Mbelatatat nogo nen, “Yori ilik?” yinuk, iniki koonit unggwage kagak oonegen ambiriluk ambi age mbareegi, at aap endagembogut nen Mbelatatat nogo yoge logonet, “Mbelatatat wae. Nabinggaanggo kagarak eebe yokkigirak inom, Alom ndogop o, yinuk, yelok kagandak inom, ti paga kiniki piirik-paarik eerogo pagarak mage o.” Yoge mbareegi, at Mbelatatat nen, “Nogoba o. Kabi kagandak nogo it kinom wim mbanak a, kinom ogoorak a, eeppiyaawak lak, ao!

Owak Loongga 5:31

Togop aret me, Kaliku nogoba ALA wae. Kawim togop aret lek eerugun kwe, Oonegen komeninuk lagi wage kenok, Ia! yinuk, pi wakwi kwak, Kat kinom kiniki kunik nogo, togop aret logowak o.” Yinuk, ndawi pege nagagerik, wonogwe iigak, o nogo abolok lek wonage kagak, tahun 40 aret eereegerak o.

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.