2 Tamuwen 18:26 - Ala Wone Peenok Peebi Mbanak

²⁶ Panggo yi wage kagak, aap o arum menggerak nogo nen aap alik ambi mbe agan wage enegen kage nagagerik, at ore tu unde menggerak nogo yoge logonet, “Wulaga! Aap alik ambi peebi wage ti,kenegen pekket o!” Yoge mbareegi, at endagembogut nen at yoge, “Aap ti kunduk, wone obeelom mendek mban wonok wage mbaki o,” yoreegerak.

2 Tamuwen 18:26 Cross References

2 Tamuwen 18:25

Kage nagagerik, aap endagembogut wonage me, oone agago wuppi wage logonet, “Aap ambi nggare agan keya wage ti o.” Yoge mbareegi, aap endagembogut nen, “Aap ambiret wage kenok ti, wone obeelom mendek aret wonok wage mbaki o,” yoge kagak, aap nogo koorok aret panggo yi wagagerak.

2 Tamuwen 18:27

Yoge mbareegi, at o arum menggerak nen ari logonet, “Aap aa'nduk nggare agan wage ti, aap Tarok aput Akimaat tu mbe agan nege menggerak obaabut aret wage kagi o.” Ari mbareegi, aap endagembogut nen, “At aap obeelom aret me, wone obeelom aret wonok wage mbaki o.”

2 Endagembogut 7:10

Yogo nogogwaarik, iniyokan o Tamariya woraanuk inoone nggwok paga it aap o kota tu unggwogo menggam arum menggaarak nogo yorogwe, “Nit nogo aakumi Aram mendek inawooliya wuppunuk wonogwe me unggwi nogo nogoorik, inawooliya enaani wonage kagak, aakumi ineebe inom, inoone inom, abu lek we kuda inom, keledai inom, ti mban mbarenak wonogwe iigoorak o.”