2 Tamuwen 17:24 - Ala Wone Peenok Peebi Mbanak

²⁴ Ndi, at Ndawut nogo o kota Makanayim time unggwi nage me, at Abatalom nogo aap Iterali mendek inom aret niyo Yoraran enebaga wunda nogo nogogwaarik,

2 Tamuwen 17:24 Cross References

Wakkagagerak 32:10

Ari nagagerik, “An aa'nduk tu yi paga niyo Yoraran ene paga wundage logonet ti, we waanggun ambit mban neenggime aret wundagagirak kwe, yogondak perak, nineebe mbere aago wogwe me, nogoba kat kayeloman an nogo nobaabut maluk tit neegak kwe, kat nabuwa nen yo'nege nogo liippaninuk obeelom eeppanege menggendak o.

Wakkagagerak 32:2

At Yakup nen malayikat nogo iige nagagerik, ari logonet, “Yi Ala awuri yigin unde aret iigi o,” ari nagagerik, “O yi endage Makanayim o,” yinuk, tooneegerak.

2 Tamuwen 2:8

Ti eekwi iigak, aap Tawun awuri ineegin warak inowe Net aput Abenet nogo nen Tawun aput Itibotet wonok o Makanayim time pi nage nagagerik,

Ndawi Iya 6:13

Kolaga Tulam mendek yi wae. Mok o! Kiyokan mok o. Ninigen keyaawok nen kiyokan mok o. Kiyokan mok o. Wim aru-ogwe iigak, pin warit oolo unggwogwe kenok inigen mengga kwak, Kit nanonduk kolaga Tulam mendek kinigen wo'naburak mbako ogotik o?

Yotuwa 13:26

Inanggween wogoragagerak kuli ti, o Ketibon panggombunuk, nok, o Aramat-Mitapa nen, o Mbetonim kuli nen, o Makanayim paga nen nok, o Ndebit paga kuli pugu wonagagerak.