2 Tamuwen 17:22 - Ala Wone Peenok Peebi Mbanak

²² Yogo mbareegwa, at Ndawut inom, aakumi at inom wonogwe nogo abok aret inom, niyo yi paga ambi logolik it abok aret niyo Yoraran enebaga wunda nogogwaarak iigak, o aret kilim nagabeegerak.

2 Tamuwen 17:22 Cross References

2 Tamuwen 17:21

Aakumi nogo abu aret wogo mbareegwa, Akimaat Yonatan imbirak nggween kabunik me nen lagi wogo nogogwaarik, aap endagembogut Ndawut owagam ka nanuk, yogo logonet, “At Akitoben nen eeppagarak, wone yogop-ndogop yegerak me, o yogondak aret niyo enebaga mbet-mbet wunda nak o.”

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

2 Tamuwen 17:24

Ndi, at Ndawut nogo o kota Makanayim time unggwi nage me, at Abatalom nogo aap Iterali mendek inom aret niyo Yoraran enebaga wunda nogo nogogwaarik,

Ndawi 42:6

An niniki mondok puru aago wonage logonet, Puut-puut Keromon enggela'me puut Mitat nen, Yoraran ndirok nen, Ala eerit nage nagagerak nogo abeke minggirak o.

Kini Wuppiige 27:12

Aap iniki perenak nen maluk inoba ariyak mbet-mbet yelok kogo nagaatik, ineebe op logowok nduk kumaa'nogo menggaarak kwe, It aap iniki yuundurak kenok perak, ugun eerit nogwe me, aaninggin inoba kwippako menggaarak.

Linggineegwaarak 31:49

at yogo logonet, “It aap ineegin warak yi, nit kayeloman mini ninabu'me menggaarak ineebe nit nineenggi linggininako nogoorik, ambit iluk ambi kobak arulik enaani aret wonogwe me,

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Yaya 18:9

Ti yoragagerak nogo ti, aa'nduk Yetut nen, “Kat wo'nereegindak nogo it ambi kobak arulik o,” yinuk, Ala yoreegerak nogo a'me lik yuwak nduk, yoragagerak.