2 Tamuwen 16:12 - Ala Wone Peenok Peebi Mbanak

¹² An o yogondak yi wone ndi wone ninikime yagabit tibik-tobok eekwi paga yagan warit nege nogo, at Aliku ALA nen liippanege logomenggerik, aap pulunogo panege nogo ti, obeelom eeppanuwak nduk, eeppege kagak, eerukwak, teppinip o,” yinuk, yoragagerak.

2 Tamuwen 16:12 Cross References

2 Tamuwen 16:13

Yorage nagagerik, at Ndawut awuri inom nawok nduk, tu paga nogwe me, at Timeyi nogo puut elan me ene paga muguren nage logonet, yugum inom, nggween molo inom, waganogo inoorit Ndawut pulunogo pit nagagerak.

2 Endagembogut 19:4

aap endagembogut Atiyut mendek nen at aput aap wim eeka inowe ambi at eenik menggerak Ala nogo, meek eerogo puwak nduk, nappi wagaarak yi wone ndi wone agan nage nogo, Aliku kogoba Ala aruk konembunuk, wone agan nage onggo maluk eeppuurak mbakerak kero, it eegu pugu ineenik wonogwe nogo, inake tamban eeke logowak nduk, yori nanip o, yo'niragaarak kenok, yokkiri wogo o.”

Ndawi 10:14

Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 109:28

It nen pulunogo panugwi iigak kwe, Kat kale'nggen noba panege, It nen nooriyak eekwi iigak kwe, Inenggali aruwak nduk eeppiige, Eeke keegak kwe, An kayeloman perak, nale'nggen mbake logogin o.

Ndawi 132:1

Kaliku ALA wae. At Ndawut aaninggin-paaninggin oba age kagak, Ogogumbuk puk wonagagerak nogo aberu o.

Ndawi 25:18

An ee'nakwi paga yagan wake, Tebenak logonet niniki andi negen wonage, Eeke yi, Pe'neege logomenggendik, nomaluk lek eerogo panu o.

Kini Wuppiige 25:22

Ti eekwi kiinok, mo kik-kik negen kaawak nduk eeppumonggotak me, Aliku ALA nen onggo kit wokkiraagin o.

Kini Wuppiige 26:2

Towe yiluwe wiga agan mban nage, towe wuni'nuk wiganinuk mban nege, Eeke menggi kwak Wone alom lek kagak kugi pulunogo piigwi kwe, abe inoba ageelik mbeyok ari menggerak.

Yetaya 27:7

Inawim mendek nen Ala apuri aaninggin inoba piigwi iinok, Aliku ALA nen aaninggin inoba piige nagagi kwak at apuri ndak-ndak eeppiyareegerak mbakop? Ndi, it aakumi nen at apuri inookwi iinok, inooke nagagi kwak, at apuri togop aret inooreegerak mbakop? Lek aret o.

Oroma 8:28

Nit Ala iniki mbake ndak-ndak eeko logowok nduk, ninayonggo pinaneegerak nogo, at ninom niniki kunik niinok, yi mendek ndi mendek eekwi inom, eeppinanugwi inom, ti abok at Ala nen nit obeelom eeriyak ambi kaawok nduk, eeppinanege menggerak.

2 Korindut 4:17

Yogondak piyak-payak eerogo pinanugwi yi, peebi eeppinaniyak ndak-ndak abu lek o. Peebi eeppinaniyak nogo ti, yi mendek ndi mendek tebenak kagak, nit tiyappinanemenggerak nogo mondok-mondok tiyanak logogun me, yogondak eeppinanugwi yi, “We luulu teeluk aret eeppinanugwi,” mbako ogoorik o.

Pelaareegerak 23:6

Kit kineenik wonogo logonet, kinom lambunna'nuk, wone obeelom mbanggwi, inale'nggen mbaruwak nduk, obeelom eeppiigwi, eeka'lek kiigak, kambi noorak kuli ari nawak o.

2 Tetalonika 1:7

Ndi, yogondak aaninggin kit kinoba wonage nogo, peebi nit ninom niniki tayenogo pinanigin o. It waka'ngget mondok tiyanak menggaarak malayikat nogo ninowe Yetut inom mbogut paga nen kani omoonuk enggela'me wambi wogo logonet,

Iberani 12:10

Ninogobamini abe nda'ninabeegwaarak nogo nen, “Abe eeko logowak nduk eeppiyoorak yi aret kogo,” yinuk, iniki koombunuk, luulu ninaruk wako menggaarak kwe, ninogoba Ala perak, at maluk eekeelik mondok alik leenak obeelom menggi kwak, nit togop ndak-ndak aret logowok nduk, liippunuk, niniki koonninake menggerak.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.