2 Tamuwen 16:10 - Ala Wone Peenok Peebi Mbanak

¹⁰ Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

2 Tamuwen 16:10 Cross References

Wakkagagerak 50:20

Kit nen an maluk eeppaniyak kooneegutak kagak kwe, Ala nen perak, kit eeppaneegutak paga obeelom ambi eerikit mba'nuk, yi aakumi ndi aakumi inagap ndariyak kooneegerak paga an eeke wonage me, kinagabiti mbarugup o.

2 Tamuwen 19:22

Ari mbareegi, at Ndawut nen onggo yoge logonet, “Kwe Teruya aagalogwe kit yi, wone at yegerak yi ti, an nobaalombok kagak, kit nonggop nduk ninom ogookkologo ogotik? An yogondak iluk yi aret aakumi Iterali inowe nendagembogut ari nage neegak, aap Iterali mendek ambi wariyak nduk, yogo ogotik?”

2 Tamuwen 19:23

Yorage nagagerik, Timeyi yoge logonet, “Koorugun lek aret o,” yinuk, kumbuk mbaneegerak.

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

1 Endagembogut 17:18

Kangge mbareegi, kwe togwe nogo nen Eliya yoge, “Ala wone liirogon eeka yi wae. An ngge eekirak paga, Keebi, nomba'nuk yi eeppanggendak? An nomaluk nogo Ala nen abeppunuk naagaluk wulaga nogo waruwak nduk, neya wagandak ya?”

1 Endagembogut 2:5

Ndi, at kwe Teruya aagaluk Yowap nen an eeppaneegerak nogo kat keenu areto. At Yowap nen it Iterali ineegin warak inoweewi aap Net aput Abenet inom, aap Yetet aput Amata inom, wim nambuko logonet mban inooko menggaarak kwe, wim nambuka'lek it imbirak ugun wonogwe iigak, inooreegerak inamiya kiluk ari mbareegi, kambeegwaarak ti paga, at agabee'le paga inom, iyok ogut paga inom, inamiya yibuk-labuk eerak aret wonage me,

2 Endagembogut 18:25

Ndi, o ti, oba kwi'nari unggunuk, pup eerogo puurak nogo, At Aliku ALA yoga'lek kagak eerigin, nombake agaarik ya? At Aliku ALA lombok nen, O ti oba kwi'nari unggwage logomenggendik, pup eerogo punu o, yinuk, yo'negerak me, yokkiragi o,” yinuk, yoragagerak.

Ayup 9:12

Aakumi inamendek ndinggolage kenok, ta nen non mbanogo pege, Kat nonggop eeke agandik o? yinuk, ta nen yoge, Eerigin mbaken?

Ndawi 39:9

Kat nen aret nena koonogo panegendak me, An noone kiyuk wunaka'lek puk aret agarik o.

Wone Alom Kibingga 8:4

Aap endagembogut wone lengganogo yorage kenok, “E o,” yinuk, eeko menggaarak me, “Kat nonggop nduk, yagandak o?” yinuk, aap ta nen at yoriyak mbakop?

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Matiyut 16:23

Yoge mbareegi, at Yetut ena logurogon pekkage logonet, Peterut yoge, “Kat Ibilit negen ari yi, Ala iniki mbake nogo eeriyak mba'nuk ari lek o. Ata, aakumi iniki mbakwi nogo eeriyak mbake logonet, an non mbambanege me, mondok nak o,” yoreegerak.

Matiyut 8:29

inoone nggwok paga at yogo logonet, “Ala aput wae. Kat nonggop ee'ninabikit nduk wagan? Ninooriyak eyom awo kagak, ninoorikit nduk wagandak ya?” yoreegwaarak.

Yaya 18:11

Aruk tabonggage mbareegi, Yetut nen at Peterut yoge logonet, “Peterut wae. Kobaloowi obaane'me yonggolu o. Yiiwa'na toolak kwak an ee'naburak nogoba nen koonogo paneegerak yi, an noorak lek nombakendak ya? Lek o. Nagin aret o,” yinuk, yoreegerak.

Oroma 9:20

wologwe! Kit ta mba'nuk yogo ogotik? Wone onggo Ala yoriyak op mbako ogotik? Yi mendek ndi mendek ogobakkigirik nen ogobakkigika nogo yogo logonet, “Kat neebe nonggop togon ogobakkigi'nake agandik?” yoriyak op mbakop?

1 Tamuwen 26:19

Nowe kendagembogut an kayeloman noone yokkege yi, konengge logot o. At Aliku ALA nen aret an nooriyak nduk, wone kinikime pege kenok, at Aliku ALA ake warogo wogoge obari ogobak me nage kenok, iniki yanggok yuwak nduk, warogo wogoru o. Ndi, aakumi nen nooriyak nduk, wone kinikime mambugwi iinok perak, Ala obaane'me kugi eerit nogwe nogo, Kinom aret eerit nage logot o, yinuk, yogwe ti paga at Aliku ALA yate kwak nggween mbanak wo'nireegim nogome nen mugogo wumbanugwi me, Aliku ALA nen it aret pulunogo piyaagin o.