2 Tamuwen 15:5 - Ala Wone Peenok Peebi Mbanak

⁵ Ndi, it aakumi nen Abatalom owagam wogo nagaatik, abu'me tebe yinuk, ayuk wukwi iinok, at Abatalom nen lamooppiinok, inagandin eyak mbaninake nagagerak.

2 Tamuwen 15:5 Cross References

2 Tamuwen 14:33

Yoreegerak nogo at Yowap nen aap endagembogut nogo yori nage mbareegi, aap endagembogut nen at Abatalom wiireegerak owagam wage nagagerik, endobanggun yindumbunuk, etenggen nggween paga wandinik wonage me, aap endagembogut nogo nen keyage wake logonet agandin eyak mbaneegerak.

2 Tamuwen 20:9

At Amata nogo, “Yowap mbuti ndut eenggim wonage nogo paga noorigin,” mbarulik we ugun wonage kagak, Yowap nen at yoge logonet, “Noreeluk, kat obeelom wonage ilik?” yinuk, agandin eyak mbanikit nduk, amboro eenggi abe paga pippunuk, mbuti ndut eenggim wonage nogo paga Amata aanogum paga ndanuk togon mambereegerak aanagale kiluk togon nggween paga wambeegerak aret kangge mbareegi, ambinom warulik mbo punuk, awuluk Abitayi imbirak aap Mbikiri aput Teba nogo mugurok nogogwaarak.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Kini Wuppiige 26:25

Aap ti, anini nen aakumi eeppiyoorak mbake 7 kuli aret inikime wonage me, Oone aberogon agan nage nogo ti, karuk koneniyak mage o.

Lukat 7:45

Kat nen an kambu'nirulik kwe, at perak, an unggwi wagarak kuli nen yogondak kuli puk aga'lek naganak paga pirik-perek mban ari agaarik o.