2 Tamuwen 15:31 - Ala Wone Peenok Peebi Mbanak

³¹ Laganggwi iigak, aap ambi nen Ndawut yoge logonet, “Abatalom oreewi inom nen kat tebenogo pagarak iniki ambit eeppunuk, koonggwi nogo, aap Akitoben inom aret koonggo agaarik o.” Yogo mbareegwa, at Ndawut nen konembunuk, Aliku ALA yoge, “Kaliku nogoba ALA wae. At Akitoben wone koonogo yorage nogo, Wi negen agan nege agaarik, mbaruwak nduk, eeppu o,” agan puut kirin paga ari laganeegerak.

2 Tamuwen 15:31 Cross References

2 Tamuwen 15:12

Inom aret nogo nogogwaarik, at Abatalom nogo Ala ake warogo wogoge logonet, aap Nggilo mendek endage Akitoben Ndawut inom wone koongga nogo, ame o Nggilo time wonage me, woraawak nduk, ayeloman mini yonggo nappiyareegerak. Togop eereegerak paga Ndawut tebenogo puwok nduk iniki ambit eeppunuk, koonogo pereegwaarak nogo, nggwok aret age mbareegi, aakumi apit at Abatalom inom mban aret ogogwaarak.

2 Tamuwen 16:23

At Akitoben nen wone ari kenok, it aakumi abok aret, “Ala nen yoge kagak, yo'nirage kogo o,” yinuk, yogo nogogwaarak me, at Akitoben nen Ndawut yoge kenok, mugurok nage nagagerak pogom, Abatalom yoge kenok, ndak-ndak mugurok nage nagagerak.

2 Tamuwen 17:14

Wone ti yoreegerak nogo at Abatalom inom, it aap Iterali inoweewi abok aret inom, inaruk konenggo nogogwaarik, “At Akitoben wone yegerak nogo ti, op negen kwe, at aap Ariki mendek Kutayi nen wone yegerak ti perak, abu obeelom aret yegerak kogo o,” yinuk, yereegwaarak. Wone ti yoreegerak nogo, at Aliku ALA nen aaninggin Abatalom oba puurak mbake logonet, Akitoben yereegerak meek mbaruwak nduk, eeppereegerak me, yoreegerak.

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

2 Tamuwen 17:5

Togop mbareegwaarak kwe, at Abatalom nen ari logonet, “Aap Kutayi awi Ariki mendek nogo kunduk, nonggop ari kaamun? Wii'nip o.”

2 Tamuwen 17:7

Yoge mbareegi, at Kutayi nogo nen Abatalom yoge logonet, “Akitoben wone yogondak yegerak yi nogo ti, maluk negen aret yegerak o.

Ayup 5:12

Iniki ngget paga maluk eeriyak koonggwi nogo, at nen lek eerogo piige, It eeriyak koonggwi nogo, ale-pale aruwak nduk eeppiige,

Ndawi 109:3

Inanini nen inoone mondok wonggok togon yo'nugwi, Alom lek kagak nooriyak eekwi,

Ndawi 3:1

Nogoba Kaliku ALA wae. It nawim apit nen tebenogo paniyak eekwi, Pilak yogo logonet, nooriyak eekwi,

Ndawi 41:9

An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Ndawi 55:12

It an nawim nen inoone yi-wu eerogo panugwi iinok, Niniki yanggo yinuk puk age, Ineebi nombaka nen tiyappako logonet, Meek eerogo panugwi iinok, Inigen neegwi iyo, kumaa'nage, Eeriyak op kwe,

Yetaya 19:3

It aakumi Metit mendek iniki ma'naremenggerak me, Eeriyak koonogo pemenggaarak nogo an nen eeriyak meek aret eerogo piyaagin o. Ti eerogo piige neenok, It inagugi nen yeenggwaaraawak nduk nggino yogwi, Aap kugi unde nen yoraawak nduk yorogwe, Tili pagangga nen yoraawak nduk, yorogwe, Aap inogoma wiiraga nogo yorogwe, Eeremenggaarak kwe,

Yetaya 44:25

Peebi ndogop arigin o, yinuk, Ala nen yo'nirage kagak yokkirogo o, yinuk, Yorogo logonet, ineenu agak mendek eeppiigwi nogo abut laganogo piige, Inobagari negen yorogo menggaarak nogo inagi'ndok kambuwak nduk eerogo piige, It aap iniki warak nen yorogwe nogo abut laganogo, Aap wi nen yogwe, mbaruwak nduk eeppiige,

Yaya 13:18

Kit abok kiinok yokkirage lek o. An miirogo leengginabeegirak an neenu aret o. At nimbirak mbi nengge nogo nen aret nooriyak koonggerak o, yinuk, Ala wone liiru mbanak nogo a'me lik yuwak nduk, agaarak me, a'me lik yigin o.

1 Korindut 1:20

it aakumi iniki warak nogo ti, taani mbakop? It Ala wone unde ti, taani iigo ogotik? Ndi, wone alom kibingga ambi wonage nduk, yogo ogotik? Abu lek aret o. It nggween paga mendek nen, “Niniki warak logonet, koonggo o,” yinuk, yogo menggaarak nogo, at Ala nen, “It wi negen koombunuk, eekwi,” inombake kagak, yogo menggaarak nogo lek a?

Yakobut 3:15

Kit kinoreeluk ambi anini eeppogo logonet, worokot liinik agan nugwi, “An koongge mban eeriyak,” mbako logonet, eerit nugwi, eekwi kiinok, abu naalop-kaalop age logonet, yi maluk ndi maluk abok aret age kogo monggoorak nogo ti, at iniki warak agi menggerak Ala nen koonogo pinagage kagak eekwi lek o. Ata, at Tile nen it aakumi nggween paga mendek iniki koonogo piige kagak, iniki nengge kenok, eeko menggaarak nogo mendek aret eekwi kiigi o.