2 Tamuwen 15:27 - Ala Wone Peenok Peebi Mbanak

²⁷ Ti yoge nagagerik, aap endagembogut nen at Ala unde Tarok nogo ambinom yoge logonet, “Kat kobagari negen yaga nogo lek a? Kat ti mendek aret me, kaput Akimaat inom, at Abiyatat aput Yonatan inom, kinom kiniki ugun aret kiniyokan kiname o kota time nogo logonip o.

2 Tamuwen 15:27 Cross References

2 Tamuwen 15:34

kiyokan o kota nage logomenggendik, an nake at Abatalom yoge logonet, Kat nowe kendagembogut wae. An aa'nduk kat kogoba ayeloman aret wonagagirak kwe, yogondak nen kat kayeloman aret logokit o, yinuk, yoge kenok, ayeloman eeppagamenggerak wonage me, aap Akitoben nen wone inikime manabi nage kenok, kat nen yale-pale eerogo pege logomunggun o.

2 Tamuwen 15:36

Ndi, it Tarok aput Akimaat inom, Abiyatat aput Yonatan inom, it inogobamini inom nagaarak time wonogwe me, wone kat konenemenggendak abok aret it wologwe ti nen an yo'niri wogo logowak nduk, nappiya wagak eeke logonu o,” yoreegerak.

2 Tamuwen 17:17

Yonatan Akimaat imbirak nogo, o Yerutalem unggwi wogwe aakumi inigen iigwi iyo, kolaga inayeloman nen wone wonok yora nage kenok, aap endagembogut Ndawut yori nagak yuwak nduk, wone koonogo pereegwaarak niyo eneerime o En-Orogen taati wonogwe me, kolaga nogo nen wone nogo wonok yora nagagerak.

2 Tamuwen 18:19

Aap Abatalom wako mbareegwa, awuri mbaganit nogwe iigak, aap Tarok aput Akimaat nen Yowap yoge logonet, “At Aliku ALA nen awim ineenggime nen muk agap ndakerak o, yinuk, wone ti wonok aap endagembogut yori naakit nduk, Op aret, yo'niru o.”

2 Tamuwen 24:11

Yoge nagagerik, Ndawut eenik aga'lek awo nogo yege kagak, Aliku ALA nen yoge kagak yoraga Ndawut eeriyak abi paga kaga Nggat nogo, yori wage logonet,

1 Endagembogut 1:42

Awo ari wonage me, at Ala unde Abiyatat aput Yonatan nogo nage mbareegi, at Aroniya nen, “Unggwi mok o.” Yoge nagagerik, “Kat aap kiniki abu warak keege minggirak me, wone obeelom wone wonok wage keegi o.”

1 Endagembogut 4:15

Aap Akimaat Talomo apuluk kolaga endage Mbatamat kolagagerak nogo nen o Natali wone lengganogo yorage,

1 Mbinineegwaarak 25:5

It yi abok aret aap endagembogut abi kage kenok, yoga at Keman nogo apuri aret. At Keman endage nggwok aruwak nduk, Ala nen, “Kapuri ambik aret wokkirigin o,” yinuk, yoreegerak paga at apuri aap ineebe 14, ndi, komologwe ineebe kenagan aret wogoreegerak.

1 Mbinineegwaarak 6:8

Akitup nen Tarok ndake, Tarok nen Akimaat ndake,

1 Tamuwen 9:6

Yoreegerak kwe, at ayeloman nen ari logonet, “Puk o, nogoba. Aap Ala wone liirogon eeka ambi o kota yime wonage me, at wone yegetak nogo abet mban age kenok, aakumi nen ayuk wuko menggaarak me, at nen, Time kwaarinabi nanip o, yinuk, yo'niraawak nduk, at aa'nduk pekka nawok o.”

1 Tamuwen 9:9

Yoge mbareegi, at Tawun nen ari logonet, “Op aret yagandak me, nawi o.” Yoge nagagerik, o kota aap Ala wone liirogon eeka wonage me time unggwi nawok nduk, elan me laganggwi me, komologwe niyo tooliyak wogogwaarak inom lambunggo nogogwaarik, yorogo logonet, “Aap obagari yaga nogo wonage ilik, lek a?” yinuk, yorogogwaarak. Wone, Obagari yaga, yorogogwaarak nogo ti, o maan ti eyom paga aap Ala nen yorage kagak yoraga kenok, aakumi Iterali nen endage, Obagari o, yogo nogogwaarak me, aap ambi Ala yoriyak mbake kenok, “Aap obagari yaga nogo pekka nawok o,” yinuk, yogo nogogwaarak kenok, komologwe nogo togop aret yorogogwaarak.