2 Tamuwen 15:21 - Ala Wone Peenok Peebi Mbanak

²¹ Yoreegerak kwe, at Itayi nen aap endagembogut yoge logonet, “Kat nowe kendagembogut o nggeeme nage logomenggendik, wonage logonet, kambuurak kenok, keenik logorak kenok, an kayeloman nimbirak time aret wonage neyaamunggun o, yinuk, abet mba'nok nduk, at Aliku ALA endage inom, kat kendage inom, kumbunuk yokkigi o.”

2 Tamuwen 15:21 Cross References

2 Tamuwen 15:22

Yoge mbareegi, Ndawut nen Itayi yoge logonet, “Op aret yagandak me, nage logot o, naput.” Yoge mbareegi, aap Nggat mendek Itayi nogo awuri wim eeka inom, it inaaganapuri inom, abok aret nen at Ndawut aaganapuri inom inambokan piigak nogogwaarak.

2 Endagembogut 2:2

at Eliya nogo nen Elita yoge, “At Aliku ALA nen an o Mbeten nappanegerak nage me, kat ya'i abu logot o.” Yoreegerak kwe, at Elita nen onggo yoge logonet, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Mbeten nogogwaarak.

2 Endagembogut 2:4

Yorage mbareegi, ti'nuk, at Eliya nen Elita ambinom yoge logonet, “Elita wae. At Aliku ALA nen an o Yeriko nappanegerak nage me, kat ya'i abu logot o.” Yoreegerak kwe, at Elita nen, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Yeriko nogogwaarak.

2 Endagembogut 2:6

Yorage mbareegi, ti'nuk, at Eliya nen Elita ambinom yoge logonet, “At Aliku ALA nen an niyo Yoraran aa'nggi paga nappanegerak nage me, kat ya'i abu logot o.” Yoge mbareegi, Elita nen, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak aret nogogwaarak.

2 Endagembogut 4:30

At Nggekati togop yoreegerak kwe, at elege agalo nen ari logonet, “An kat mbo paganuk nagin lek o, yinuk, ari nogo kat nen abet nomba'nok nduk, at Aliku ALA inom, kat inom, kimbirak kinenggaanom paga yagi o.” Yoge mbareegi, Elita nogo kwe imbirak aret wogogwaarak.

Kini Wuppiige 17:17

Aap ambi aaninggin at oreeluk oba age nogo, imbirak ndak-ndak kaawak nduk nda'nagagerak me, Nano mendek oreeluk oba agak eeke kenok, “Nawuluk kwak me,” yinuk, at mbo pegeelik iniki kunik mban aret eeke menggerak o.

Kini Wuppiige 18:24

Aap ambi oreewi ambik wonogwe kwe, ambi oba age kenok perak, mbo punuk mbaganggo menggaarak. Ndi, aap ambi owe-awot iniki mbuuluk kunik eeginake menggerak kwe, At ambi perak, oreewi iniki mondok kundugu lombok aganake menggerak.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 21:13

at Pawulut nen, “Kit an nale yogwe paga niniki aaninggin aruwak nduk, nonggop nduk yogo ogotik? An Yerutalem nagin aret me, time neegak nogoba Yetut ake keele maa'nakwi iinok ti, op aret mbake agarik o. Ndi, noorugun kenok togon, op aret me, kit nonggop nduk yogo ogotik o?” yo'niragagerak.

2 Korindut 7:3

“Kit ninom niniki abu kunik me, ninom kanggwi, ninom nineenik logonet eerit nugwi, eeko logorak ti op mban o,” yinuk, muk yokkirogogurak me, wone yokkirogoorak ti, we nineebe wo'ninaka'lek kiinok, yokkirogwe ti lek o. Ata, we aret yokkirogo o.

1 Tamuwen 20:3

Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.