2 Tamuwen 15:18 - Ala Wone Peenok Peebi Mbanak

¹⁸ Ari nogwe me, at inom yabu eeko menggaarak inom, it aakumi o Kereti mendek inom, Peleti mendek inom, aa'nduk Ndawut o Nggat nen wage me it Nggat mendek ineegin warak enam ratus inom wogogwaarak nogo inom, nen aap endagembogut Ndawut aaganapuri inom nogwe me, peleppiigak inaa'nduk ari nogogwaarak.

2 Tamuwen 15:18 Cross References

2 Tamuwen 15:17

at Ndawut inom, inom nogogwaarak inom, abok aret o kota irip me time aret ari nogogwaarak.

2 Tamuwen 18:2

at Ndawut nen it ineegin warak nogo wim eeri nawak nduk, aap ambi eerak at Yowap nen wogoren nawak nduk koonogo piige, ambi eerak Yowap awuluk kwe Teruya aagaluk Abitayi nen wogoren nawak nduk koonogo piige, ambi eerak aap o Nggat mendek Itayi nen wogoren nawak nduk koonogo piige, eeppiige nagagerik, yorage logonet, “Kit ninom aret wim eeri nawok o.”

2 Tamuwen 20:23

Aap Yowap nogo ti, aap Iterali ineegin warak abok aret inowe wonage, aap Yoyara aput Mbenaya ti, it aakumi Kereti mendek inom, Peleti mendek inom, inowe inarum wonage,

2 Tamuwen 20:7

Yoge mbareegi, aap Abitayi nogo nen aap Yowap awuri inom, it aap Kereti mendek inom, Peleti mendek inom, aap wakaa'ngget inom, abok aret o Yerutalem nen wogoren wundi nanuk, aap Mbikiri aput Teba nogo mugurok nogogwaarak.

2 Tamuwen 6:10

Ari nagagerik, “Ala aloobut mbanak yi, o an nagota time wonok pi noorak neebi o,” ari nagagerik, aap Nggat mendek endage Obet-Erom ame time pereegerak.

2 Tamuwen 8:18

aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut nogo, awone koongga wonogwe, eeko nogogwaarak.

1 Endagembogut 1:38

Yoge nagagerik, aap Ala unde Tarok inom, Ala nen yoge kagak yoraga Natan inom, Yoyara aput Mbenaya inom, aap Kereti mendek inom, Peleti mendek inom, it nen at Talomo nogo aap endagembogut Ndawut aguda paga kwippogo nogogwaarik, wonok niyo eneeri wungge menggim Nggikon nogome aret nogogwaarak.

1 Mbinineegwaarak 18:17

aap Yoyara aput Mbenaya nogo, it aakumi Kereti mendek inom, Peleti mendek inom, inowe logonet inarum wonage, ndi, Ndawut apuri nogo ti, inogoba endagembogut Ndawut abu'me logonet, inom eeka inoweewi aret wonogwe, eeko nogogwaarak.

1 Tamuwen 23:13

Yoge mbareegi, at Ndawut nogo awuri ineebe enam ratus negen inom o Kekila nogo mbo punuk, ambime nen ambime agak eerit nugu nogogwaarak. Ndi, Ndawut nogo o Kekila nen muk kole mbaganggerak, Tawun yogo mbareegwa, Tawun time wim eeri noolik puk agagerak.

1 Tamuwen 25:13

Yogo mbareegwa, at Ndawut nen awuri yorage logonet, “Kinalitak lombok kinobaloowi awina yonggoppunuk, kinobate paga nggerenggolaanip o.” Yoragagerak nggerenggologo mbareegwa, at kunduk togop aret nggerenggolage nagagerik, awuri ineebe dua ratus yi mendek ndi mendek arum logowak nduk, piinok, ineebe empat ratus Ndawut inom aap nogo wonage me nogogwaarak.

1 Tamuwen 27:3

Ka nogo nogogwaarik, Ndawut awuri nogo inalitak inakuwi-inapurilogwe inom, at Ndawut nogo akuwi mbere ambi Yiteren apuluk Akinowam, ndi, ambi aap Naban togwe waganeegerak kwe awi Karemen mendek Abigayin nogo imbirak inom, o Nggat aap Akit inom time aret ye mbambatinuk, wonogogwaarak.

1 Tamuwen 27:4

“At Ndawut mbaganit o Nggat time nagaarak o,” yinuk, Tawun yoreegwaarak mendek, mugurok noolik puk agagerak.

1 Tamuwen 30:1

Nogo mbere yegak at Ndawut awuri inom o Tikalak nogwe iigak, it aap Amalek mendek a'nggan wogonaka nen o karume nggwok nenaarak o ame pa'nggwe inom, o Tikalak inom, oonda mbanogo inooko logonet, o Tikalak tebenogo piinok, inawi kani mbelanogo piyareegwaarak.

1 Tamuwen 30:9

Yoge mbareegi, at Ndawut awuri enam ratus nogo inom, niyo Mbetot aa'nggi paga ari nogo nogogwaarik, awuri eegu dua ratus nogo inowak lobak yereegerak me, niyo wunda noorak meek aganake mbareegi, taati iigak, eegu empat ratus nogo mban niyo Mbetot mbanogo pegak wunda nogo nogogwaarik, nok-nok aret muguren nogogwaarak.