2 Tamuwen 15:10 - Ala Wone Peenok Peebi Mbanak

¹⁰ Nage logonet, at Abatalom nen it Iterali mendek inanebunu lombok wonogwe me abok aret wone kote eerogo nappiige logonet, “Oone eeka trompet nogo oone pu eekwi kinaruk konembunuk, Abatalom nogo o Keboron nen inowe endagembogut mi'naga, yinuk, keekok yuwak o,” yinuk, nappiyareegerak.

2 Tamuwen 15:10 Cross References

2 Tamuwen 13:28

“E o,” yoge mbareegi, inom nogo nogogwaarik, at Abatalom nen ayeloman mini yorage logonet, “Wologwe wae! Kinaruk logonip o. At Amonon nogo anggur amburu nengge logomenggerik, iniki lek aremenggerak paga an nen, Warinip o, yokkirage neenok, At nen aret wariyak, yo'nirage me, waruwi o, yinuk, kinagabiti mbaka'lek kinogogumbuk eeppunuk, warumunggup o,” yinuk, yoragagerak.

2 Tamuwen 14:30

Abatalom nogo nen ayeloman mini yorage logonet, “Wologwe, kinaruk logonip o. An neyabume abeenok time aap Yowap eyabu aret me, waabuk negen jelai yarak ti, kani pi nanip o.” Yorage mbareegi, ayeloman mini nogo nen kani pi nogogwaarak.

2 Tamuwen 15:9

Yoge mbareegi, at Ndawut nen, “Op aret o. Kiniki ugun o Keboron nak o,” yoge mbareegi, aret nagagerak.

2 Tamuwen 19:10

ndi, aap endagembogut logonet, ninarum logowak nduk, amburu eerogo mippogoorak Abatalom nogo, wim eeko logonet, wakaarak kangge, eekaarak me, aap endagembogut nogo iyokan wonok pi woroorak yaga'lek nonggop nduk ninoone lek puk mban ogoorik?” yinuk, yereegwaarak.

2 Tamuwen 2:1

Ti'nuk, ne ambi paga at Ndawut nen Aliku ALA yoge logonet, “An o Yekura inawi kota ambi time na ilik?” Yoge mbareegi, at Aliku ALA nen, “Nako.” Yoge mbareegi, at Ndawut nen yoge logonet, “Inawi kota nggeeme na o?” Ari mbareegi, at Aliku ALA nen, “O kota Keboron time aret nak o,” yoreegerak.

2 Tamuwen 2:11

Ndi, at Ndawut nogo o Keboron logonet, aap Yekura mendek inowe endagembogut a'nuk, wone lengganogo yorage kagak, tahun 7 eeppunuk, tut 6 peneneegerak.

1 Endagembogut 1:11

Togop eeke mbareegi, at Natan nogo nen Talomo agalo kwe Mbatiyeba owagam nage nagagerik, yoge logonet, “At ninowe endagembogut Ndawut eenggo'lek kagak, kwe Kagit aagaluk Aroniya ninowe endagembogut agaarak nogo, kat muk konenggendak ilik, lek a?

1 Endagembogut 1:34

Nogo logomonggotik, kat aap Ala unde Tarok inom, kat Ala nen yoge kagak yoraga Natan inom, kimbirak nen, At Talomo aakumi Iterali inowe endagembogut logowak o, yinuk, mippunuk, amburu eeppogo logomonggotik, oone nggwok eeka trompet nogo oone pu eeko logonet, Talomo nogo ninowe endagembogut aret mippako o, yinuk, keekok yumunggup o.

2 Endagembogut 9:13

Yorage mbareegi, at Yeku oreewi nogo mbet-mbet inayum nggoorogo tu unggwogo menggam at Yeku iyok me taati mbiganogo punuk, oone nggwok eeka trompet nogo oone pu eeko logonet, “Yeku nogo Iterali inowe endagembogut aga o,” yinuk, keekok yereegwaarak.

1 Mbinineegwaarak 11:3

It Iterali inoweewi abok aret aap endagembogut Ndawut o Keboron wonage me wone ti, yogo mbareegwa, at Ndawut nen o Keboron time Aliku ALA enggaanom paga it inom wone amburu nggaruk togon mbambunuk, Aliku ALA nen Tamuwen yoge kagak yoragagerak ndak-ndak, it Iterali abok aret inowe endagembogut logowak nduk, at Ndawut amburu eerogo mippereegwaarak.

1 Mbinineegwaarak 12:23

At Aliku ALA yereegerak ndak-ndak, aap Tawun obaane'me at Ndawut endagembogut mippuwok nduk, it aap ineegin warak wim wakaa'ngget at Ndawut o Keboron wonage me, ka wogogwaarak ineebe nogo yi aret.

1 Mbinineegwaarak 12:38

It aap ti abok aret iniki mondok ambit eeppunuk, ineegin-inomaale li'luk aago logonet, it Iterali mendek abok aret inowe endagembogut Ndawut mippuwok nduk, o Keboron wogogwaarak. Ndi, it aakumi Iterali eegu nogo kunduk, inom iniki ambit eeppunuk, “Ninowe endagembogut Ndawut aret mippuwok o,” yinuk, yereegwaarak.