2 Tamuwen 14:32 - Ala Wone Peenok Peebi Mbanak

³² Yoge mbareegi, at Abatalom nen Yowap yoge, “An wone yokkege me, karuk logot. An o Nggetut time op aret wonage me, yime nano eeriyak nduk, wo'neren wagandak? Aap endagembogut yori nanok nduk, Woraayok o, yinuk, eerogo nappigirak kwe, kat nonggop nduk woroolik? An nen aap endagembogut Ndawut pekka naakit o. Pekka nage neenok, an maluk ambi eekirak paga nooriyak mbake kenok, nooriyak op aret o,” yinuk, yoreegerak.

2 Tamuwen 14:32 Cross References

Wakkagagerak 3:12

Yoge mbareegi, at aap nogo nen, “Kwe nimbirak logowak nduk wo'negendak nogo nen eyoonggen nogo mbanogo wo'nege mbaki, ninggirak o.”

2 Tamuwen 13:37

Ndi, at Abatalom nogo kole mbaganit o Nggetut aap endagembogut Amikut aput Talamayi wonage me nage kagak, at Ndawut nogo aput Amonon erabun ndoombunuk, aleenggu maake nagagerak.

2 Tamuwen 14:31

Pi nogo mbareegwa, at Yowap nogo Abatalom ame nage nagagerik, yoge logonet, “Nonggop nduk kat kayeloman mini nen an neyabu yarak me kani mbelanogo pegaarak?”

2 Tamuwen 3:3

Ambokan ndarak ti, aap Naban awi Karemen mendek kwe togwe pereegerak waganeegerak Abigayin aagaluk aap endage Kileyap. Ambokan ndarak ti, aakumi Nggetut inowe endagembogut Talamayi apuluk kwe Maaka aagaluk aap endage Abatalom aret.

Ndawi 36:2

It nen, “Nit aap abu iya o,” yinuk, Wogoppatit nugu menggaarak me, Eerit nogo logonet, “Yi maluk aret eeke kagi,” mbakwi, “Maluk eeke minggirak neebi o,” yinuk, mbo pugwi, Eekulik aret o.

Wundeegwaarak 14:12

It aakumi Metit mendek inayeloman logonet, ineyabu eeko logorak op aret me, teppinanu o, yinuk, o Metit logonet, yokkogo nogogurak nogo lek a? Nit aakumi Metit mendek ineyabu eeppiigo logorak op aret kagak, karume yime kambuwok nduk, wo'niren wagandak keego o,” yinuk, yoreegwaarak.

Wundeegwaarak 16:3

“Nit o Metit time logonet, ninaanggo larak noorak nduk, ninggirik wonogwe, oroti ndonggok togon nunggwi, eeko logonet, Aliku ALA nen ambi eeppinanege kenok, kambuwok lak, nit Iterali kuwak aago yi, mbi abu nen o karume yime kambuwok nduk wo'niren pinani wogotak nineebi a!”

Wundeegwaarak 17:3

Yoragagerak kwe, it aakumi nogo niyo abu lombok eeginabeegerak me, Muta ineebi-ineeba yogo logonet, “Ninapurilogwe inom, ninaanggumi inom, niyo abu nen aret kambuurak kagak, nonggop nduk o Metit nen wo'niren wundi wagandak?”

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Yeremiya 8:12

Ineraambe maluk lombok logonet, ogole warak mendek eerit nugwi nogo paga inenggali mbariyak kwe, Inenggali lek aret nugwi, Inenggali nen inuut wutik nugu logorak op kwe, inenggali lek a'nuk nugwi, Eeko menggaarak. Togop me, aap inoorak kanggo logonet, it inom aret inoorak kanggwi, Ndi, maluk eekwi onggo eeppiige neegak, it inom aret inenggaawak lek ogwe, Eerugun o,” yinuk, Aliku ALA nen aret yegerak o.

Matiyut 25:44

Yorage mbariminggi, it nen an yo'nogo logonet, Ai, ninogoba. Mbi abu eekkake, yi abu eekkake, aap nggiru nage, kayum yirik lek nege, andi warak keele maarak wonage, eeke keegak, mandenom ninigen keego nogogurik, yeenggwaagirulik teppagareegurak me yagan o?

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

1 Tamuwen 15:13

Yoreegerak at Tamuwen nogo Tawun imbirak lambuni nage mbareegi, at Tawun nen Tamuwen yoge, “At Aliku ALA nen, Togop eeru, yo'negerak nogo ndak-ndak aret eekirak me, at Aliku ALA ale'nggen koba logowak o.”

1 Tamuwen 20:8

Togop aret me, Aliku ALA enggaanom paga an kayeloman nimbirak wone koonogo pogoorak me, an maluk ambi eekirak noba wonage kenok, wo'neren kogoba wonage me, pani noorak lek o. Ata, nabuwa mba'nuk, kat nen aret noorogo panumunggun o.”