2 Tamuwen 14:30 - Ala Wone Peenok Peebi Mbanak

³⁰ Abatalom nogo nen ayeloman mini yorage logonet, “Wologwe, kinaruk logonip o. An neyabume abeenok time aap Yowap eyabu aret me, waabuk negen jelai yarak ti, kani pi nanip o.” Yorage mbareegi, ayeloman mini nogo nen kani pi nogogwaarak.

2 Tamuwen 14:30 Cross References

2 Tamuwen 14:29

Tahun mbere eeppunuk, ne ambi eyom paga at Abatalom nen aap Yowap nogo aap endagembogut yori nawak nduk, wiireegerak kwe, eebi nen woroolik puk agagerak. Ti'nuk, peebi ambinom mban wiireegerak kwe, eebi nen woroolik puk age mbareegi,

2 Tamuwen 14:31

Pi nogo mbareegwa, at Yowap nogo Abatalom ame nage nagagerik, yoge logonet, “Nonggop nduk kat kayeloman mini nen an neyabu yarak me kani mbelanogo pegaarak?”

2 Tamuwen 18:14

Yoge mbareegi, at Yowap nogo nen ari logonet, “Wone ti mban yogwe niigak, o abu aret age me, neebi a!” Ari nagagerik, wooluwak kenagan eenggime woppunuk, at Abatalom nogo eyo teno eno'mbak nogo paga nggelenak awo eenik nggik ari wonage me, inikinggup me ndanuk togon wareegerak.

2 Endagembogut 9:33

at Yeku nen oone nggwok paga it yorage logonet, “Kwe ti, eebe pigogo mbo wuppi wa'nip o!” Yorage mbareegi, pigogo wuppereegwaarak kuda nen iniyok paga at eebe aan lebenogo pit nogwe iigak, amiya wore-wore yugum pak wurik paga inom, kuda ineebe paga inom, lengge-lengge nagagerak.

Owak Loongga 15:3

Yoge mbareegi, at Timoton nen kwe ogoba nogo yoge, “It Pilitin mendek nen eeppanggaarak paga an onggo aaninggin inoba piige neenok ti, an maluk yo'niriyak mage o. It inobaalombok aret o.”