2 Tamuwen 14:19 - Ala Wone Peenok Peebi Mbanak

¹⁹ Yoge mbareegi, aap endagembogut nen at yoge logonet, “Wone yo'negendak abok aret at Yowap nen yokkege kenok, yo'niri wagandak nogo lek a?” Yoge mbareegi, at kwe nogo nen, “Kat nowe kendagembogut wone ari keenok, eegu melak yuurak meek me, wone yokkigirak yi abok aret at kayeloman Yowap nen, Ndogop yu o, yinuk, an kayeloman ninikime manake mbaki, yokkiri wagarak me, kat nowe kendagembogut wonage keegak pilit lek abet aret yokkigi o.

2 Tamuwen 14:19 Cross References

2 Tamuwen 11:11

Yoge mbareegi, at Uriya nen Ndawut yoge, “Ala aloobut mbanak inom, ineegin warak Iterali mendek inom, Yekura mendek inom, ooliya-ooliya wurik me wonogwe, ndi, an nogoba aap Yowap inom, nogoba kat kapuri inom, it kunduk, o endekem inawooliya wuppatinuk wonogwe, eekwi iigak, an name nage logominggirik, mbi inom, niyo inom, nenok, nakwe nimbirak nogo yuurak op mbaken? An togop eeri noorak meek nomba'nok nduk, kendage kunogo yokkigi o,” yinuk, yoreegerak.

2 Tamuwen 14:18

Yoge mbareegi, aap endagembogut nogo nen kwe nogo yoge logonet, “An ambi yokkiriyak mbakirak me, yokkege neenok, kumaariyak mage kinom paga aret yo'niru o.” Yoge mbareegi, kwe nogo nen, “Kat nowe kendagembogut aret me, yo'niru o.”

2 Tamuwen 14:3

aap endagembogut ka unggwage logomenggendik, wone yogop yorumunggun o,” yinuk, wone li'luk eerogo yoreegerak.

2 Tamuwen 18:13

Ndi, an nen aap Abatalom wa'netak en aap endagembogut Ndawut yi wone ndi wone abok aret aruk konengge menggerak me, wone ti konembunuk, nooke kenok, kat nen nili yaga'lek nomo yenetak kombaki o.”

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

2 Tamuwen 3:29

At Yowap iniki mba'nuk nen aret wakerak me, Abenet amiya ti, at Yowap inom, owe-awot inom, inoba aret logowak o. At owe-awot inenggela'me nen aap ambi anggore'na wungge kagak nege, ambi awin aaga'ne kunik nege, ambi endop maluk waanggun luk nege, ambi wooluwak paga nen wake, ambi mbi abu nen kangge, mondok-mondok togop aret eerit wundi wogo logogun o,” yinuk, yereegerak.

2 Endagembogut 2:2

at Eliya nogo nen Elita yoge, “At Aliku ALA nen an o Mbeten nappanegerak nage me, kat ya'i abu logot o.” Yoreegerak kwe, at Elita nen onggo yoge logonet, “An kat mbo pagagin lek nimbirak aret noorak o, yinuk, Aliku ALA inom, kat inom, kimbirak kinenggaanom paga abet aret yokkigi o.” Yoge mbareegi, imbirak o Mbeten nogogwaarak.

Wundeegwaarak 4:15

an eeriyak yokkigirak nogo yoge logonet, An noone maluk me, an nen karuk paga pege neegak yorage logonok nduk, nimbirak nawi o, yoremenggendak nogwe kiinok, kimbirak wone yoroorak inom, eeko logorak inom, an nen koonogo yokkirage logogin o.

Kini Wuppiige 25:2

At Ala nen wone kumaarogo pege kenok, ayuk wukwi, Aap inendagembogut nen wone kin paga agan nogwe iinok, inayuk wukwi, Eeko menggaarak o.

Kini Wuppiige 4:27

Kena agigan agak, ogugan agak, eeke logorak mage o. Ata, maluk eeko menggam kiyok pi noorak eekkake kero, mbo pege logot o.

Linggineegwaarak 20:17

Togop me, nit tu kat wonage yi paga wogo logonet, kat keyabu gandum yarak me inom, anggur yarak me inom, ti paga nogwe, kaniyo nggween kabunik me toologo nunggwi, nina tu ambet agi-ogu yogwe, eeka'lek tu nggwok paga nok-nok aret kanggween kuli paga wundi noorak nduk, yokkiri wogo o.”

Pelaareegerak 28:14

Ti eerogo pinagagin me, Yogop ee'nu ndogop ee'nu, wone yugu an yogondak yokkirage yi, taganogo punuk, Ala alut eekwi obaane'me kugi eerit nogo logonet, kinena nomorogon agigan ogwe, ogugan ogwe, eeriyak mondok mage o,” yinuk, yoragagerak.

Pelaareegerak 5:32

Togop me, at Aliku kinogoba Ala nen wone lengganogo yokkiragagerak ti, mugurok nogo logonet kina agigan ogwe, ogugan ogwe, eeka'lek wone ti abok aret liirogon eeko logomunggup o.

Yotuwa 1:7

Kat eerit nage nogo abe mban arit nage kaanok nduk, kena agigan agak, ogugan agak, eerugun o. Ata, kogogumbuk kiniki mondok nu'lek eeppatinuk logonet, eeko logorak wone yugu nayeloman Muta liiru mbanogo wokkireegerak nogo abok ndak-ndak liirogon aret eerit nage logot o.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.

1 Tamuwen 17:55

At Ndawut nogo nen aap Pilitin mendek imbirak wim namburiyak nduk nage at Tawun enegen kage nagagerik, at Tawun awuri ineegin warak inowe Abenet nogo yoge logonet, “Abenet wae. At wulaga tawe ti, ta aput?” Yoge mbareegi, Abenet nen yoge logonet, “Nowe kendagembogut kat aret keegak, an pilit yokkiriyak meek me, an neenggo'lek o.”

1 Tamuwen 20:3

Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.