2 Tamuwen 14:17 - Ala Wone Peenok Peebi Mbanak

¹⁷ Ala ayonggo malayikat nen maluk eeriyak obeelom eeriyak abok eenu menggerak ndak-ndak, nowe kendagembogut kat aret me, koone yagandak ti paga niniki kwippanegen o, nogoba. Togop me, at Aliku kogoba Ala kimbirak aret logogin o.”

2 Tamuwen 14:17 Cross References

2 Tamuwen 14:18

Yoge mbareegi, aap endagembogut nogo nen kwe nogo yoge logonet, “An ambi yokkiriyak mbakirak me, yokkege neenok, kumaariyak mage kinom paga aret yo'niru o.” Yoge mbareegi, kwe nogo nen, “Kat nowe kendagembogut aret me, yo'niru o.”

2 Tamuwen 14:20

Ala ayonggo malayikat ambi yi wone ndi wone abok eenu menggi kwak, kat nogoba kiniki warak lombok logonet, yi o ndi o arit wage menggerak abok aret keenu me, at kayeloman Yowap eekerak nogo ti, kaput kimbirak ogoorak wonogwe nogo kinawone koonogo pinagarak, mba'nuk, yo'negerak o,” yinuk, yoreegwaarak.

2 Tamuwen 19:27

Nambokan lagangge nagagerik, an kayeloman nabok mbanogo kat nowe kendagembogut yokkireegerak kwe, kat nowe kendagembogut ti, Ala ayonggo malayikat kwak aret me, at eeppuurak mbakendak kenok, aret eeppu o.

2 Tamuwen 19:28

Ndi, an nogobamini inom, nowe-nawot inom, it abok aret eereegwaarak paga kat nowe kendagembogut nen inoorogo piige logonet kwe, an kayeloman nalik aret it kinom mbi nonggo menggaarak nogo, ninom mbi nengge logokit nduk koonogo paneegindak me, an nowe kendagembogut ambinom koonogo panenok nduk, yokkirigin lek o.”

1 Endagembogut 3:28

At endagembogut Talomo nen kumi ti inawone mbaneegerak paga it aakumi Iterali mendek abok aret konenggo nogogwaarik, “Ala nen aakumi inawone amburu mbangge logowak nduk, iniki warak eeppereegerak ninowe endagembogut yi, Wi!” yinuk, pi wareegwaarak.

1 Endagembogut 3:9

it kapuri aakumi Iterali ineebe woneemaluk wonogwe yi, ta nen inawone op mbangge logorak mbaken? An meek aret me, inawone mbangge logonet, Yi maluk, yi obeelom, liippunuk, inawone mbangge logokit nduk, an kayeloman niniki warak lombok eerogo panu o,” yoreegerak.

Ayup 6:30

At pilit pugunogo yo'nirage, nombakwi, Ndi, At ngge eekerak o? yinuk, iniki koonit naga'lek, nombakwi, Eekwi kiigi o.

Kini Wuppiige 27:21

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aakumi nen aap ambi endage tiyappugwi paga at abut mbanggwi ti aret.

Kini Wuppiige 29:5

Aap ambi nen ore iniki laakot ombake logonet, oone paga mban yoge ti, at iyok aret nggelok yuwak nduk keele kwak eerogo pake menggerak.

Iberani 5:14

omaawi mendek nunggwi iinok perak, aap kole iniki warak pogom, Ala wone mondok liippunuk eekwi me, maluk eeriyak obeelom eeriyak eraambe yelok aret kogo menggaarak.

1 Tamuwen 29:9

Yoge mbareegi, at Akit nen onggo yoge logonet, “It Ala yonggo malayikat mendek ninikilom mbake minggi kwak kat togop aret kombake minggirak ti, neenu aret kwe, it aap Pilitin ineegin warak inoweewi nogo nen, At ninom wim namburi noorak lek o, yagaarak me,