2 Tamuwen 14:1 - Ala Wone Peenok Peebi Mbanak

¹ At Ndawut nen, “Naput Abatalom nenegen kaakit lak, ao,” mban mbake wonage nogo, kwe Teruya aagaluk aap Yowap nen yelok kage nagagerik,

2 Tamuwen 14:1 Cross References

2 Tamuwen 13:39

Aap endagembogut nogo Amonon kambeegerak paga iniki puru ari nagagerak nogo lek age mbareegi, “Naput Abatalom nenegen kaakit lak, ao,” mban mbake nagagerak.

2 Tamuwen 14:2

kwe ambi iniki ngget o Tekowa time wonage me wa nawak nduk, aap ambi nappereegerak kwe nogo wonok wage mbareegi, Yowap nen kwe nogo yoge logonet, “Kwe yi wae! Aakumi inayum abe mendek yikkologwe, ngguu'mo wappunuk amburu inagabolo paga mbenanggologwe, eeka'lek aap kanggwi iinok, inerabun ndoombunuk, netik-netak inale yogo mengga kwak, kat pilit togop aret eeppunuk,

2 Tamuwen 18:33

Wone ti ari nogo, aap endagembogut aruk konengge nagagerik, ogut na'nuk, iniki puru agan tu unggwogo menggam o wurik irimbaga ko ambi ogoorak me, lagi nanuk, “Ai, napuluk Abatalom o! Abatalom o! Napuluk a! Napuluk a! Kat napuluk Abatalom kobaane'me an kogoba aret kambikit lak, naput a! Naput a!” yinuk, le ari nagagerak.

2 Tamuwen 19:2

it aap ineegin warak nogo wim eeko logonet, ineegin tiyak yereegerak paga inale'nggen mbareegwaarak kwe, ne ti eyom paga, “Aap endagembogut apuluk abuwa nen iniki wakkolage agaarik o,” yogwe inaruk konenggo nogogwaarik, iniki ale'nggen mbakwi nogo lek age logonet, inom iniki wakkologo nogogwaarak.

2 Tamuwen 19:4

Ndi, aap endagembogut nogo etenggen yum nobappatinuk, leenggu maake logonet, “Ai, napuluk Abatalom o! Ai, napuluk Abatalom o. Napuluk o. Napuluk o,” yinuk, le yereegerak.

2 Tamuwen 2:18

Ndi, Teruya aagalogwe ineebe kenagan inendage Yowap, Abitayi, Atayen, inom time aret wonogwe me, at Abenet nogo, mbaganit nage mbareegi, mba'ngge penaame nen nggare agan nage menggi kwak, at Atayen nogo ogowa ambik me, ena agigan-ogugan aga'lek mondok nggare agan mugurok nage me,

1 Mbinineegwaarak 2:16

Ndi, it iniriwi komologwe nogo ti, Teruya Abigayin imbirak ndaganabeegerak. At kwe Teruya nen aagalogwe Abitayi, Yowap, Atayen, ndaganabeegerak.

Kini Wuppiige 29:26

Aakumi ambik nen, “Aap ninarum menggerak nogo ninom wone mbanuwok lak, Ao,” mbako menggaarak kwe, At Aliku ALA nen mban eekaatak a'me nggelok eeppiige menggerak o.