2 Tamuwen 13:39 - Ala Wone Peenok Peebi Mbanak

³⁹ Aap endagembogut nogo Amonon kambeegerak paga iniki puru ari nagagerak nogo lek age mbareegi, “Naput Abatalom nenegen kaakit lak, ao,” mban mbake nagagerak.

2 Tamuwen 13:39 Cross References

Wakkagagerak 24:67

Mbininogo yoge mbareegi, Itak nen kolaga Iribaka nogo kolage nagagerik, wonok agalo Tara ame wonagagim nogome imbirak unggwogogwaarak. Unggwogo nogogwaarik, “Yi nakwe aret kolagi,” yinuk, iniki kunik eekkolage logonet, agalo kambeegerak paga iniki puru ari nagagerak nogo lek aret agagerak.

Wakkagagerak 31:30

Yogondak kat kame kagalo-kogoba iya noorak, Ao! mbake nagandik, wagandak ti, op aret kwe, an nagugiwak perak, nonggop nduk yogoot kumaa'nuk wagandak o?”

Wakkagagerak 37:35

Le ari wonage me, at apuri wologwe nen, komologwe nen, abok aret wogo nogogwaarik, Yakup iniki yanggonuwok nduk eereegwaarak kwe, iniki yanggo yuurak eebi nen it yorage logonet, “Le ari tit neegak, napuluk kambunuk nogo menggam nagaarak wonage me time aret ka nagin o,” yinuk, aput abuwa nen le mban ari nagagerak.

Wakkagagerak 38:12

Iya nagagerak wonage kagak, logonuk negen at Tiyuwa apuluk Yekura akwe nogo kambeegerak. Kangge mbareegi, tabun ndoombunuk, wonagagerik, peebi nen at Yekura oreeluk Arulam mendek endage Kira nogo imbirak o Timana aanggumi ndomba ineeruwak mbanit nogwe me nogogwaarak.

2 Tamuwen 14:1

At Ndawut nen, “Naput Abatalom nenegen kaakit lak, ao,” mban mbake wonage nogo, kwe Teruya aagaluk aap Yowap nen yelok kage nagagerik,

Ndawi 119:20

Eekaatak ndak-ndak eeppiigo logorak koone yugu nogo An ko'lu-kii'me pekkage logokit lak, “Ao,” Mbake logonet, niniki andi negen age menggerak o.

Ndawi 84:2

Kaliku ALA kawoore'nggam logokit lak, “Ao,” mbake, Niniki mondok nenet unggwage, Ineenik aganaka kat Ala aret me, Nimbirak lambunikit nduk, Niniki inom, neebe inom, uugwe lombok mbarit unggwage, Eeke agarik o.

Pelaareegerak 28:32

Kinapuri wologwe inom, komologwe inom, ndinogo aakumi inanebunu alik mendek wogoramenggaarak wogoret namenggaarak nogo, Wogwe iyaamun ilik, lek a, yinuk, kiniki lunik logonet, ko'lu-kii'me kinigen tu ndogome logomonggotak kwe, waga'lek iinok, kit nen ambi eeriyak meek aret kaamunggup o.

Pilipi 2:26

At nogo nen, “An andi ee'nakerak noreewi muk konenggaarak me, nonggoti mbakwi iigak logokwak, pegiya na ilik?” yinuk, iniki piirik eeke kage nagarik, at aa'nduk kinowagam nappi wagi ti o.