2 Tamuwen 13:37 - Ala Wone Peenok Peebi Mbanak

³⁷ Ndi, at Abatalom nogo kole mbaganit o Nggetut aap endagembogut Amikut aput Talamayi wonage me nage kagak, at Ndawut nogo aput Amonon erabun ndoombunuk, aleenggu maake nagagerak.

2 Tamuwen 13:37 Cross References

2 Tamuwen 13:34

Ti yori wogwe iigak, Abatalom nogo mbaganeegerak. Mbagangge kagak, at aap Ndawut arum menggaarak mendek ambi nogo nen enegen pila yinuk, aakumi apit aret puut Koronayim enggage paga nen wambit wogwe enegen iige nagagerik, at Ndawut nogo yori nage logonet, “Puut Koronayim paga nen aakumi ambik wambi wogwe iigi o.”

2 Tamuwen 13:36

Wone awo yoge nagagerik, wonage me, aap endagembogut apuri nogo, le agan ka wogo mbareegwa, aap endagembogut inom, at inom yabu eeka inom, iniki puru yogo logonet, leenggu maareegwaarak.

2 Tamuwen 14:13

Yoge mbareegi, at kwe nogo nen, “Kapuluk mugogo nappegendak nogo wonok woroolik me, wone yagandak yi paga kenggali age ilik, lek a? Nonggop nduk nit Ala apuri yi, togop eeppinanit nage logorak, koonogo pegendak?

2 Tamuwen 14:23

Yo'nuk, at Yowap nogo o Nggetut nage nagagerik, Abatalom nogo wonok o Yerutalem wagagerak.

2 Tamuwen 14:32

Yoge mbareegi, at Abatalom nen Yowap yoge, “An wone yokkege me, karuk logot. An o Nggetut time op aret wonage me, yime nano eeriyak nduk, wo'neren wagandak? Aap endagembogut yori nanok nduk, Woraayok o, yinuk, eerogo nappigirak kwe, kat nonggop nduk woroolik? An nen aap endagembogut Ndawut pekka naakit o. Pekka nage neenok, an maluk ambi eekirak paga nooriyak mbake kenok, nooriyak op aret o,” yinuk, yoreegerak.

2 Tamuwen 3:3

Ambokan ndarak ti, aap Naban awi Karemen mendek kwe togwe pereegerak waganeegerak Abigayin aagaluk aap endage Kileyap. Ambokan ndarak ti, aakumi Nggetut inowe endagembogut Talamayi apuluk kwe Maaka aagaluk aap endage Abatalom aret.

1 Mbinineegwaarak 3:2

Ambokan ndarak ti, aakumi Nggetut mendek inowe endagembogut Talamayi apuluk kwe Maaka aagaluk aap endage Abatalom aret.