2 Tamuwen 13:26 - Ala Wone Peenok Peebi Mbanak

²⁶ Ale'nggen oba pereegerak kwe, kagak at Abatalom nen ogoba yoge, “Kat noorak meek kenok, noweeluk Amonon ninom nawok nduk, E, yo'niru o.” Yoge mbareegi, at ogoba nen, “At nano eeriyak nduk kinom noorak?”

2 Tamuwen 13:26 Cross References

2 Tamuwen 13:25

Yoge mbareegi, at ogoba endagembogut nogo nen Abatalom yoge logonet, “Ti yagandak kwe, meek o, naput. Nit abok aret noorak kenok, aaninggin eerogo pagukwak, nit abok aret noorak lek o.” Yoreegerak kwe, at Abatalom nogo oone nabenak mban yoreegerak mendek at ogoba nen noorak eebi mba'nuk, “Kit mban ee'nu o,” yinuk, ale'nggen oba pereegerak.

2 Tamuwen 13:27

Yoreegerak kwe, at Abatalom nogo oone nabenak mban yoge mbareegi, at Ndawut apuri nogwe me, Amonon nogo inom nawak nduk, “E o,” yoreegerak.

2 Tamuwen 20:9

At Amata nogo, “Yowap mbuti ndut eenggim wonage nogo paga noorigin,” mbarulik we ugun wonage kagak, Yowap nen at yoge logonet, “Noreeluk, kat obeelom wonage ilik?” yinuk, agandin eyak mbanikit nduk, amboro eenggi abe paga pippunuk, mbuti ndut eenggim wonage nogo paga Amata aanogum paga ndanuk togon mambereegerak aanagale kiluk togon nggween paga wambeegerak aret kangge mbareegi, ambinom warulik mbo punuk, awuluk Abitayi imbirak aap Mbikiri aput Teba nogo mugurok nogogwaarak.

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Kini Wuppiige 26:24

Aap aakumi maluk eeppiiga nen abet ari mbaruwak nduk oone abe agan nege menggerak kwe, Inikime perak, aakumi inambokan laganiyak mban kumaarak wonage menggerak.

Yeremiya 9:7

Togop me, at Omaawi Lombok Menggerak Aliku ALA nen yegerak nogo yi aret. “An napuri ti, maluk mban eerit nogwe paga an nonggop eeri? Mili leennaruwak nduk, mbuti worako mengga kwak, napuri ti, togop aret eeginake, inabut mbangge, Eerogo piyaakit mbake agarik o.