2 Tamuwen 13:20 - Ala Wone Peenok Peebi Mbanak

²⁰ Le agan nage nogo oweeluk Abatalom kage nagagerik, at yoge logonet, “Koweeluk Amonon nen kat maluk eeppagagerak kenok, agan wage a? At koweeluk nen aret maluk eeppagagerak kenok, kat nawuluk kiniki ambi koonggak yuurak mage o. Ata, koone lek puk aru o.” Yoge mbareegi, at Tamat nogo oweeluk Abatalom ame time nage nagagerik, iniki puru aago alik aret wonagagerak.

2 Tamuwen 13:20 Cross References

Wakkagagerak 34:2

aap endagembogut Kewi mendek endage Kemot aput Tikem nogo nen kolaga Ndina nogo enegen kage nagagerik, wonok nanuk maluk eeppereegerak.

Wakkagagerak 46:15

at Yakup apuri yi nogo ti, akwe Leya nen o Paran-Aram logonet, aagalogwe aap aret ndaganake logonet, aput ambi kolaga Ndina inom ndareegerak ti aret me, ineebe lambuk togon 33 aret o Metit nogwe,

2 Tamuwen 13:19

ayum kigirikwe nogo nibinogo pege nagagerik, wun anobak paga yumbunogo patinuk, eenggi anobak paga tebenggo'nok, oone nggwok paga le agan nagagerak.

2 Tamuwen 13:21

At Amonon eereegerak nogo, ogoba endagembogut Ndawut aruk konengge nagagerik, anini ambik agagerak.

2 Tamuwen 14:24

Wonok wage mbareegi, aap endagembogut Ndawut nen ari logonet, “Abatalom ti, an nenggaawak paga ya'i unggwi woraagurik o. Ame nugwa aret nayok o.” Yoge mbareegi, aap endagembogut wonage me ungguulik nugwa ame aret nagagerak.

Kini Wuppiige 26:24

Aap aakumi maluk eeppiiga nen abet ari mbaruwak nduk oone abe agan nege menggerak kwe, Inikime perak, aakumi inambokan laganiyak mban kumaarak wonage menggerak.

Oroma 12:19

Noreewi o. Nit ninogoba nen ari logonet, “Aap inane'me wakwi inom, maluk onggo eeppiigwi inom, an nen aret eeppiyaagin o,” yinuk, yereegerak liiru mbanak wonage me, maluk eeppinagagwi onggo eeppiigo logogup o. Ata, Ala anini nen it onggo eeppiyaagin me, mbo piigo logonip o.