2 Tamuwen 13:12 - Ala Wone Peenok Peebi Mbanak

¹² Yoge mbareegi, kolaga nogo nen, “Mage ubi, noweeluk! Nit aakumi Iterali togop eekulik me, an neebi mbake neegak, kat an noweeluk nen maluk togoti eeppaniyak mage o.

2 Tamuwen 13:12 Cross References

Wakkagagerak 34:2

aap endagembogut Kewi mendek endage Kemot aput Tikem nogo nen kolaga Ndina nogo enegen kage nagagerik, wonok nanuk maluk eeppereegerak.

Wakkagagerak 34:7

imbirak wone awo mbanggwi me, at Yakup apurilogwe nogo abok aret o karume nogome nen wogo mbareegwa, “Lek o. Kinawuluk kolaga Ndina nogo aap Kemot aput Tikem nogo nen maluk eeppegerak o,” yogwe inaruk konenggo nogogwaarik, “Togop eekulik kagak ninawuluk maluk eeppegerak me, nit aap Iterali mendek abok aret ninendage maluk agago pinanigi o,” yinuk, iniki aagi age logonet, inanini ambik agagerak.

Kini Wuppiige 7:7

It wologwe iniki yuundurak negen inenggela'me wulaga ambi nenegen kage, Yi wologwe ndi wologwe inenggela'me wulaga ti, iniki awo kole aga'lek wonage liippege, Eekirak o.

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Ala Unde 18:11

Aap ambi ogoba akwe kwe ore ambi aagaluk kolaga ndaremenggerak nogo ti, at iriluk aret me, wuriyak mage o.

Ala Unde 18:9

Aap ambi nen iriluk imbirak ndarak ilik, kwe ambi aap alik nen apuluk ndarogo pemenggerak me, kwe nogo wulaga ti ogoba wagangge kenok a, ti imbirak iriwi aret me, wurinaburak mage o.

Ala Unde 20:17

Aap ambi nen at ogoba apuluk kolaga a, agalo kwe ambi wogo aagaluk kolaga a, wagangge logomenggerik, wuke kenok, at awuluk kagak eeremenggerak nogo ti, eekulik mendek kagak, enggali lek eeremenggerak me, owe-awot inigen iigak, imbirak inenggaawak lek eerogo piigo logowak o. Aap ti, awuluk kagak wuremenggerak me, aaninggin at obaalombok aret kage logogin o.

Pelaareegerak 22:21

aakumi Iterali mendek inenggali kaawak nduk, ogoba ame wonage logonet, mbabilu ya wukak negen wonagaarak me, kolaga ti, kambuwak nduk, it o kota at wonage me wonogwe nogo apit nen aret yugum paga warogo pogo logowak o. Maluk togoti eekwi kenok, kinenggela'me nen enggaawak lek eerogo pogo logomunggup o.

Pelaareegerak 22:29

kolaga ti, maluk eeppemenggerak me mbo puurak mage o. Ata, kolaga ti, awu mbuti perak aaninggin ambi oolo wakkagak kolaga ogoba wogo'nuk, akwe aret kolamenggerak imbirak wonage kagak, kambi noorak kuli aret aruwak o.

Owak Loongga 19:23

Yogo mbareegwa, aap awi unde nogo endekem wundi nage nagagerik, it yorage logonet, “Aap yi ti, an nen aret name mambigirak me, kit nen eekulik mendek maluk lombok eeppuurak mbakotak ti, mage o, noreewi!

Owak Loongga 20:6

Pogo mbaka, an nen nakwe warak nogo wonok wage nagarik, mbanogo punuk, kinanebunu 12 o kineyate kwak unde eeppatinuk kiname lombok wonogwe me, nappigirak o. An togop eekirak ti, aakumi Nggibeya mendek nen nit aakumi Iterali ninenggali kaawak nduk, eekulik maluk lombok eekaarak kenok, eekirak o.