2 Tamuwen 12:3 - Ala Wone Peenok Peebi Mbanak

³ Ndi, aap eenggi lek nogo perak, aanggumi abu lek aret kwe, ndomba aagaluk kooli ambit mban kunggolage nagagerik, aap ambi apuluk kolaga iniki kunik menggi kwak, ambi-agi nengge logonet ndomba nogo magage, ogome punuk nogo yege, eeke logonet, apurilogwe inom ndak-ndak aret tawe eeginake nagagerak.

2 Tamuwen 12:3 Cross References

2 Tamuwen 11:3

Enegen kage nagagerik, kin wakka nawak nduk, aap ambi nappereegerak yori nage nagagerik, Ndawut yori wage logonet, “Kwe nogo ti, aap Eliyam aput aap Ket mendek Uriya akwe Mbatiyeba aret o.”

2 Tamuwen 12:2

Aap eenggi warak nogo aanggumi kambin-ndomba inom, lembu-tapi inom, ambik aret wonagagerak.

2 Tamuwen 12:4

Ne ambi paga aap nggiru ambi aap eenggi warak nogo ka wage mbareegi, aap eenggi warak nogo nen, Aap nggiru neya wagaarak yi, naanggo ndomba ilik, tapi a, abugo lariyak neebi, mba'nuk, aap eenggi lek aanggo ndomba aagaluk kooli ambiriluk nogo aret wagangge nagagerik, warogo aap nggiru at ka wagagerak nogo abugo lareegerak o,” yinuk, yoreegerak.

Mika 7:5

Aap aput wulaga nen ogoba meek eerogo pege, Apuluk kolaga nen mi'nage logonet, agalo imbirak ogookkologwe, Enggelo nen enggelo imbirak ogookkologwe, Aap ambi inom wim mbanak ti, owe-awot aret wonogwe, Eerugun me, Kinom monggotak kiniki inoba panggombugwi, “Ninore aret o,” yinuk, it inoba panggonak wonogwe, Eeriyak mage o. Ndi, kwe ambi kinaawi paga windak aruk konengge kero, kinoone yogwe nogo liippogo logonip o.

Pelaareegerak 13:6

Ndi, ne ambi paga kinore ambi ilik, kinapuri wologwe-komologwe a, kinakuwi kiniki kunik ilik, kinore kimbirak kiniki kunik a, it nen inoone mbawok paga kinikime manako logonet, Kit inom, kinombomini inom, ineenggo'lek mendek