2 Tamuwen 12:23 - Ala Wone Peenok Peebi Mbanak

²³ Togop eekirak kwe, yogondak napuluk ti, muk aret kanggerak me, an mbi niyo nengga'lek logorak ti paga at eenik arigin mbakop? Lek aret o. At nen iyokan an neya woraagin lek o. An perak, at wonage me aret ka nagin o,” yinuk, yoragagerak.

2 Tamuwen 12:23 Cross References

Wakkagagerak 37:35

Le ari wonage me, at apuri wologwe nen, komologwe nen, abok aret wogo nogogwaarik, Yakup iniki yanggonuwok nduk eereegwaarak kwe, iniki yanggo yuurak eebi nen it yorage logonet, “Le ari tit neegak, napuluk kambunuk nogo menggam nagaarak wonage me time aret ka nagin o,” yinuk, aput abuwa nen le mban ari nagagerak.

1 Endagembogut 2:2

“O nggween paga yime yi mendek ndi mendek abok aret lek age menggi kwak, an kogoba yi, kilu yuurak eyom panggoni wagaarak me, kat kiniki mondok kogogumbuk eeppatinuk logonet, aap wakaa'ngget mengga kwak logonu o.

Ayup 30:23

Kambunuk nogo menggam nappaniyak eeke, Ineenik logonuk kuwak eeri nogo menggam nappanege, Eeke nogo ti, neenu aret o.

Lukat 23:43

Yoge mbareegi, at Yetut nen at yoge logonet, “Yogondak aret kambunuk, nogo menggam o obeelom nogome nimbirak wonage keyaagin o, yinuk, abet aret yokkigi o,” yoreegerak.