2 Tamuwen 12:20 - Ala Wone Peenok Peebi Mbanak

²⁰ Yogo mbareegwa, at Ndawut nggween paga windak wonagagerak nogo mi'nage nagagerik, ngguu'mo wake, amburu agabolo paga mbenanggolage, ayum abe yirikkolage, ee'nuk, Aliku ALA awi wurik me unggwage nagagerik, Ala alut eereegerak. Alut eeppunuk, ame wage nagagerik, “Mbi wo'niri woraanip o.” Yoragagerak wogori wogo mbareegwa, nenggegerak.

2 Tamuwen 12:20 Cross References

2 Tamuwen 12:19

Puk ogo nogogwaarik, it at ayeloman mini nogo inoone yagap wone paga mban yogwe at Ndawut enegen iige nagagerik, “Wulaga nogo muk aret kanggerak kagi,” mba'nuk, it yorage logonet, “Wulaga nogo muk kanggerak ilik?” Yorage mbareegi, it nen at yogo logonet, “E o. Muk kanggerak o, ninogoba,” yoreegwaarak.

2 Tamuwen 12:21

Nengge mbareegi, at ayeloman mini nen at Ndawut yogo logonet, “Kat kapuluk kangga'lek kagak mbi mbo pege, le ari, eeke keegoorak kwe, yogondak eebe kangge mbaki, kat mi'na'nuk, mbi nengge ti, alom ngge nduk eeke agandik?”

2 Tamuwen 14:2

kwe ambi iniki ngget o Tekowa time wonage me wa nawak nduk, aap ambi nappereegerak kwe nogo wonok wage mbareegi, Yowap nen kwe nogo yoge logonet, “Kwe yi wae! Aakumi inayum abe mendek yikkologwe, ngguu'mo wappunuk amburu inagabolo paga mbenanggologwe, eeka'lek aap kanggwi iinok, inerabun ndoombunuk, netik-netak inale yogo mengga kwak, kat pilit togop aret eeppunuk,

2 Tamuwen 19:24

At Ndawut o Yerutalem wundi nage ti eyom paga at Tawun ombooluk Mepibotet nen ari logonet, “Aap nowe endagembogut eebe obeelom neya waga'lek kagak, an niyok kookkolage, namboro mbanggolage, nayum kookkolage, eeka'lek aret logogin o,” yinuk, yereegerak wonage me, togop aago aret aap endagembogut imbirak lambunikit nduk, at kunduk o Yerutalem nen ka nagagerak.

2 Tamuwen 6:17

Ndi, at Aliku ALA aloobut mbanak nogo, wonok wogo nogogwaarik, logowam awooliya wurogo punuk at Ndawut koonogo pereegim nogome pogo nogogwaarik, at Ndawut nen Aliku ALA enggaanom paga taati ake warogo kani kungge, Ala inom lambunik logowak nduk, ake warogo wogoge, eereegerak.

2 Tamuwen 7:18

Mbininogo yori nage mbareegi, aap endagembogut Ndawut nogo Ala awooliya wurik me unggwage nagagerik, Aliku ALA enggaanom paga kwi'na'nuk tamban eereegerak. Tamban eeke logonet, “Kaliku Kitok Menggendak nogoba ALA wae. An inom, nowe-nawot inom, nit nen eeriyak abu meek lombok niigak, an mii'nake nagagindik, kapuri inarum logokit nduk, mippaneegindak o.

Ayup 1:20

Eeko mbareegwa, aap Ayup nogo mi'nage nagagerik, ayum nibinogo pake, eeruwak anobak me puluk ko eerogo mbanggolage, eeke nagagerik, nggween paga enete wanduk ngginna'nuk Aliku ALA alut eereegerak.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ndawi 103:1

Niniki yi wae. Aliku ALA tiyappege, Niniki-neebe yi wae. At endage abu abe alik leenak me, alut eeke, Eeke logot o.

Ndawi 103:8

At Aliku ALA nen aakumi inabuwa mbake, Inabuwa nen iniki yanggonak paga eeppiige, Anini mbet-mbet wunggeelik yanggoppunuk wonage, Aakumi iniki kunik nggwok togon aganake, Eeke menggerak o.

Ndawi 39:9

Kat nen aret nena koonogo panegendak me, An noone kiyuk wunaka'lek puk aret agarik o.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Kini Wuppiige 3:7

“An wone abok neenu aret o,” mbake ti mage o. Ata, Aliku ALA kagabiti mbake, maluk kenok ogole nen mbagangge, Eeke logot o.

Wone Alom Kibingga 9:8

Kinayum laambu yanggwi negen yikkologwe, Ndi, amburu kinetenggen paga mbenanogo pakwi, Eeko logonip o.

Matiyut 6:17

Kit perak, mbi nengga'lek kinambe mage negen logonet, tamban eeriyak mbakwi kiinok, aakumi inigen kiiga'lek kinogoba nobara'me menggerak mban enegen kiyaawak nduk, ngguu'mo wakwi, kineeruwak mbininggwi, eeppunuk, tamban eeko logonip o. Ti eekwi kiinok, kinogoba kote eekwi enegen kage menggerak nogo nen onggo wokkiraagin o,” yinuk, yoragagerak.

Lukat 7:46

Kat nen amburu nanobak paga kilirogo panulik kwe, at perak, amburu obari abe mendek niyok paga kilippanegerak.

Urut 3:3

kanggo'mo wakkolage, amburu obari abe mendek eekkolage, kayum abe kigirikwe lombok yirikkolage, eeppunuk, at waabuk negen jelai anggen menengge me, time nage logomenggendik, enegen keege kero, kumaarak keegak, at nen niyo inom, mbi inom, abu nenok,

1 Tamuwen 15:25

Togop aret kwe, Nomaluk ti, lek eerogo panu o, nogoba. Lek eerogo pangge kenok, an Aliku ALA alut eerikit nduk nimbirak niyokan o Nggilagan nawok o.”

1 Tamuwen 15:31

Yoge mbareegi, at Tamuwen nogo Tawun imbirak o Nggilagan nogome nogo nogogwaarik, at Tawun nogo time Aliku ALA alut eereegerak.