2 Tamuwen 12:13 - Ala Wone Peenok Peebi Mbanak

¹³ Yoge mbareegi, Ndawut nen Natan yoge logonet, “An nen at Aliku ALA maluk aret eeppigirak kagio.” Yoge mbareegi, at Natan nen at yoge logonet, “At Aliku ALA nen komaluk nogo lek eerogo pagagerak me, kat kambumunggun lek aret kwe,

2 Tamuwen 12:13 Cross References

Wakkagagerak 39:9

An o yi arum logowak nduk, tiyappaneegerak an kokwak ambi lek aret. An nogoba nen yi mendek ndi mendek ambi teppatulik, abok aret an unde eeppanege logonet kwe, kat keebe perak, an unde eeppanulik me, an nonggop togon Ala enggaanom paga maluk nggwok eeriyak yagan o?”

2 Tamuwen 24:10

It aap wim wakaa'ngget linggininabeegwaarak yoreegerak nogo, at Ndawut konengge nagagerik, iniki aaninggin ndugu agan nage logonet, at Aliku ALA yoge, “Kaliku nogoba ALA wae. An nen, Linggininabi nanip o, yoragarak nogo ti, maluk nggwok lombok aret eekirak o. An maluk lombok wi negen eekirak me, an kayeloman maluk eekirak yi, mbo nappu o, nogoba,” yoreegerak.

2 Tamuwen 24:17

At Ala ayonggo malayikat nen aakumi lek eerogo piinet nage nogo, at Ndawut enegen kage nagagerik, Aliku ALA yoge logonet, “An nen aret wone yugu taganogo maluk lombok eekirak o. An nen aret maluk eekirak me, an inom, naaganapuri inom, aaninggin ninoba pinaniyak op aret kagak, it aakumi ndomba kwak yi, nano eekaarak paga inooke agandik o?” yinuk, yoreegerak.

1 Endagembogut 13:4

Aap Ala wone liirogon eeka nen warogo kani kunggak ogobakkigirik o Mbeten yoge nogo, aap endagembogut Yerobeyam aruk konengge nagagerik, warogo kani kunggak eenggi pippunuk wonagagerak nogo, yungguk togon aap nogo titik ege logonet, “Aap ti pigaanip o,” ari kagak, eenggi titik ari nogo mbuuluk arit unggwage logonet, mbaro-mbaro eerogo pereegerak me, yunggukkoorak mondok meek aret agagerak.

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

1 Endagembogut 22:8

Yoge mbareegi, it Iterali inowe endagembogut nen onggo Yotapat yoge logonet, “Ninake Aliku ALA yoriyak aap Yimila aput Mika wonage kwe, Wone yo'niru o, yoge neenok, at wone obeelom yo'nege lek maluk mban yo'nege kage me, aap ti mondok neebi o.” Yoge mbareegi, at Yotapat nen, “Kat kendagembogut aret me, togop yugun o.”

2 Endagembogut 1:9

Yorage nagagerik, aap ineegin warak inowe awuri ineebe 50 inom at Eliya yoruwak nduk, nappiige mbareegi, Eliya nogo puut kirin paga kwi'ndak wonage me ka laganggo nogogwaarik, yogo logonet, “Ala wone liirogon eeka yi wae! At aap endagembogut nen, Wambi woraayok, yegerak me, wambi nak o.”

1 Mbinineegwaarak 21:8

Aaninggin inoba kwippiige mbareegi, at Ndawut nen Ala yoge logonet, “An eekirak ti, maluk nggwok lombok aret eekirak o. An maluk lombok wi negen eekirak me, an kayeloman maluk eekirak yi, mbo nappu o, nogoba,” yoreegerak.

2 Mbinineegwaarak 16:10

Aap abinggaanggo kaga nen wone yoreegerak paga at Ata anini lombok age nagagerik, eebe keele maarogo mambiigo menggam mambereegerak. Mambege nagagerik, ne ti eyom paga mban anini nen it aakumi ando aaninggin mondok alik negen inoba piyareegerak.

2 Mbinineegwaarak 25:16

Wone awo yoge kagak, aap endagembogut Amatiya nen Ala yoge kagak yoraga nogo yoge logonet, “Kat nen aap endagembogut kini wuppege logorak nit nen mippagagoorak me ari agandik? Koone puk logot o. Koorogo pagarak uugwe mbake logonet, ari agandik ya?” Yoge mbareegi, aap Ala nen yoge kagak yoraga nogo, ne ambit iluk oone puk wonagagirik, at yoge logonet, “Kat yi eekendak paga inom, an yokkege neegak konengga'lek wonage paga inom, Ala nen kat kenggaawak lek eerogo pagarak koonogo pegerak nogo, an neenu aret me, ari agarik o,” yinuk, yoreegerak.

Ayup 33:27

Ti eeke kenok, It obeelom eerogo piyamenggerak nogo nen Aakumi inenggaanom paga yogo logonet, nit maluk aret eekwi, Obeelom eeriyak kagak maluk aret eerit nogwe, Eekoorak kagak kwe, At Ala nen nit maluk eekoorak nogo onggo ndak-ndak eeppinanega'lek teppinanege,

Ndawi 103:12

Oonegen lagi wage menggim nen kilu yi nage menggim o nda lombok menggi kwak, Ninomaluk nda togop aret mbo nappege menggerak o.

Ndawi 51:16

Ndomba warogo wo'niriyak Uugwe mbake keenok wokkege, Kake warogo kani kuniyak kinikilom mbake keenok, Warogo kake kani kungge, Eeriyak kwe, lek me meek o.

Ndawi 51:4

Kat aret maluk eeppagage, Aap alik lek kat lombok maluk eeppagage, Maluk eeriyak keebi mbake menggendak nogo kagak aret eeke, Eekirak me, Eekirak onggo eeppaniyak nogo ti op aret mbake, Ndi, nowak loonogo punuk, Aaninggin noba paniyak mbake nogo ti, a'me nggelok aret eeppanumunggun kombake, Eeke agarik o.

Ndawi 51:6

Aap iniki ambit mban wonogwe iinok, Kat kinikilom mbake menggendak me, Niniki warak lombok logokit nduk, Liirogon mamunnege logot o.

Wundeegwaarak 9:27

Ti eeke mbareegi, at Pirawun nen Muta Karun imbirak wiiragagerak wogo mbareegwa, yorage logonet, “An nogo abu maluk eekirak o. At Aliku ALA nogo ti, abu obeelom mban wonage kagak, an napuri ninom perak, maluk aret eekoorak me,

Kini Wuppiige 25:12

Aap iniki warak nen, “Naruk wakwi nogo liirogon konenikit,” mbake nogo ti, Mbuti emas paga inamberaarenggen yarak yiko mengga kwak, Emas at mendek paga inobaanggi-inobaangge eeko mengga kwak, Aret wonage menggerak.

Kini Wuppiige 28:13

Aap ambi nen omaluk kumaappatogo wonage paga at obeelom eekkolaga'lek aret wonage menggerak kwe, Aap ambi, “Maluk neebi o,” yinuk, paganogo mbo pege kenok perak, Ala abuwa nen teppege menggerak.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yetaya 43:24

It nen en weeri amburu nake inawu paga kunggwi, Niniki ndonggo yikit nduk, nake ndomba warogo kani kunggo logonet, amok ambik wo'nugwi, Eeka'lek aret kwe, It inomaluk paga niniki aaninggin lombok eerogo panugwi, Noone taganogo punuk, yi maluk ndi maluk eerit nugwi paga nomanggen tayenogo panugwi, Eeko agaarik o.

Yetaya 44:22

Tit aagi wiya nen wonok nggarek ari menggi kwak, it maluk eerit wogo nogogwaarak nogo, lek eerogo piige, Ndugwi o wiya nen wonok nage menggi kwak noone taganogo punuk, maluk eeko nogogwaarak nogo lek eerogo piige, Eeke nagarik, Wondet eerogo piigirak me, iniyokan yungguninuk neya woraawak o,” yinuk, yegerak me, yokkiragi o.

Leendawi 3:32

At Aliku ALA ninabuwa nen iniki kunik ee'ninake nogo, lek aga'lek itok kunik aret menggerak me, Inikilom ninombake logonet, nit aakumi nen ndarak nogo aaninggin eeppinanege, Nit niniki puru yuwak nduk eeppinanege, Eekeelik o. Ata, niniki puru yuwak nduk eeppinanege nagaatik, ti'nuk, ninabuwa mbake menggerak o.

Ala Unde 20:10

Aap ambi nen at inom menggaarak ambi akwe wuke kenok, aap kwe nogo imbirak kambuwak nduk, inoorogo piigo logowak o.

Ala Unde 24:17

Aap ambi nen aap ambi wake kenok, at kunduk onggo togop aret warogo pogo logowak o.

Takariya 3:4

at malayikat nogo nen at ake eeka taati mi'ndak wonogwe nogo yorage logonet, “Ayum mili yirik ti, nggoorogo pinip o.” Yoragaarak nggoorogo pogo mbaka, at Yotuwa yoge logonet, “Kat komaluk nogo, an nen abu mbo nappege nagarik, kayum abu abe ngget mendek yirippagage yi, ket o.”

Matiyut 14:10

Nappereegerak keele maarogo mambiigo menggam unggwi nanuk, Yaya enggaanok mba nogo

Lukat 15:21

Aleenggu maake kagak, aput nen ogoba yoge logonet, Nogoba o. At mbogut paga mendek inom, kat inom, maluk eeppinagareegirak o. Maluk eeppinagareegirak me, Yi an naput, yo'niriyak ti mage o, yoreegerak.

Lukat 18:13

aap o unde inake wu kuwak eeka nogo nen perak, tayorogon mi'nage nagagerik, ena mbogut paga ni'naga'lek eebe wakkolage logonet, Ai, nogoba Ala! An maluk eeke minggirak me, nabuwa mbaru o, yinuk, yoreegerak.

Nappiigak 2:37

Yorage nogo konembunuk, iniki wakkologo nogogwaarik, Peterut inom, it nappiigak ando inom, kin wogiigo logonet, “Noreewi o. Togop me, nit nonggop eeruwi o?”

Iberani 9:26

At Ala unde inowe nggwok nogo nen tapi-ndomba amiya wonok tahun ambi eeke kenok, unggwagak eeke nagagi kwak, Keritut nen at amiya paga togop eeke logonetak en, at o wakkagagerak kuli nen nok, yogondak kuli yagan wakak mban eeke logonetak kwe, at amiya lombok paga yi maluk ndi maluk abok aret lek eerogo pikit nduk, o age yobok yogondak panggoni wage yi paga, “Inake kambikit o,” yinuk, wambi wage nagagerik, ne ambit paga ninake yagan warogo kambeegerak.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.

1 Tamuwen 15:20

Yoge mbareegi, at Tawun ari logonet, “Aliku ALA nen, Eeriyak, yo'negerak nogo ndak-ndak aret eekirak o. Eeke logonet, it aakumi Amalek mendek abok aret inoorogo piinok, aap Amalek inowe endagembogut Agak nogo perak, pigagangge nagarik, wonok wagarak o.

1 Tamuwen 15:30

Yoge mbareegi, at Tawun nen onggo yoge logonet, “An abet aret maluk eekirak kwe, napuri Iterali mendek inoweewi inenggaanom paga inom, aakumi Iterali abok inenggaanom paga inom, nendage op wonage neyaawak nen, at Aliku kogoba Ala alut eeruwok nduk, nimbirak nawok o, nogoba.”