2 Tamuwen 11:27 - Ala Wone Peenok Peebi Mbanak

²⁷ Maake nagagerik, ogonggelo erabun ndoombunuk wonagagerik, tu mbaninuk wundi wage mbareegi, at Ndawut nen kwe nogo wa nawak nduk nappiyareegerak wonok iri wogo mbareegwa, kwe nogo at aret kolagagerak me, time logonet, Ndawut obaane'me aagaluk aap aret ndareegerak. Ndi, at Ndawut ti eereegerak paga at Aliku ALA nen, “Maluk lombok aret eekerak kagi,” mbareegerak.

2 Tamuwen 11:27 Cross References

Wakkagagerak 38:10

Ndi, at Onan eereegerak nogo ti, Ala nen maluk aret kage nagagerik, wareegerak.

2 Tamuwen 12:9

nonggop nduk, Naliku an ALA ari minggirak, Meek, nomba'nuk, nenggaanom paga maluk eekerak? At nen aap Ket mendek endage Uriya nogo, waruwak nduk, aap Amon mendek ineenggime pi nage nagaarik, eebe wako mbaka, akwe nogo at aret waganggerako.

2 Tamuwen 15:26

Ndi, Ala nen, Kat an ninikilom lek aret o, yo'nege kenok, ti op mban aret me, at eeppaniyak mbake kenok ti aret eeppanege logowak o,” yinuk, yoreegerak.

1 Endagembogut 21:16

Yoge mbareegi, at Akap nen, “Aap Nabot nogo muk kanggerak,” aruk konembunuk, eyabume anggur awi yarak nogo unde arikit nduk, mi'na'nuk, pekka nagagerak.

1 Endagembogut 21:20

Yoreegerak nage mbareegi, Akap nogo Eliya nage enegen kage nagagerik, “Kat nimbirak ogoorak monggoorak yi, o yogondak aret kwaa'naken o.” Yoge mbareegi, at Eliya nen at onggo yoge, “Abet aret kwaakkeegi o. Maluk ayeloman arikit o, yinuk, miike nagandik, Aliku ALA enegen kagak, maluk eerit nage menggendak me,

1 Mbinineegwaarak 21:7

At Ndawut eeriyak yoragagerak nogo ti, Ala nen kunduk, “Ti maluk aret eekerak o,” mbareegerak me, it Iterali liippuwak nduk, aaninggin inoba kwippiyareegerak.

Ndawi 5:6

It pilit pugungga nogo lek eerogo piige, Aap inamiya nengga inom, inambokan lagangga inom, Kaliku ALA nen inogole inombake, Eeke menggendak o.

Kini Wuppiige 6:29

Aap ambi aap alik ambi akwe imbirak nogo yege ti, Ti ndak-ndak aret o. Aap ambi nen aap alik akwe nogo pigagangge kenok, At aaninggin oba arigin lek ti lek, oba arigin aret o.

Yetaya 29:15

“Nit eeriyak koonggwi nogo Aliku ALA kwaa'niige kero,” yinuk, wone nobarak me lombok koonggwi, “Ta nen enegen niige, ta nen eenu age, eerigin o?” yinuk, It o yumaak me nen eerit nugwi, Eekwi nogo inabuwa o!

Leendawi 3:36

Inowak longgo logonet, inawone liirogon mbaniyak kagak yiluk-yiluk mbanggwi, Eekwi nogo ti, Ninogoba Ala enegen iigeelik mbakop? Lek o! Abok aret liippiige menggerak o.

Matiyut 1:6

ndi, Itayi nen aap endagembogut Ndawut nogo ndake, eerit wundi wogogwaarak. Ti'nuk, at Ndawut nogo nen aap Uriya akwe nogo wagangge nagagerik, Talomo ndake,

Pelaareegerak 22:29

kolaga ti, maluk eeppemenggerak me mbo puurak mage o. Ata, kolaga ti, awu mbuti perak aaninggin ambi oolo wakkagak kolaga ogoba wogo'nuk, akwe aret kolamenggerak imbirak wonage kagak, kambi noorak kuli aret aruwak o.

Iberani 13:4

It aap kumi kundugume wurinabit nugwi, komologwe tawe ugun wurinabit nugwi, eekwi iinok, Ala nen inowak loonogo maluk onggo wogoraagin me, aap ambi akwe koloorak nduk, lambumbiigwi nogo ti, abu obeelom aret me, tiyappuurak aret o. Ndi, kolage logomenggerik, imbirak nogo yuurak ti kunduk, abu obeelom mban aret me, nogo yugu menggam maluk age kero, arum liirogon logowak o.