2 Tamuwen 11:14 - Ala Wone Peenok Peebi Mbanak

¹⁴ Ndi, at Uriya nen wonok Yowap wogori nawak nduk, ko'lu kuubondendok at Ndawut nen at Uriya eeppuurak liiru mbangge logonet,

2 Tamuwen 11:14 Cross References

2 Tamuwen 12:9

nonggop nduk, Naliku an ALA ari minggirak, Meek, nomba'nuk, nenggaanom paga maluk eekerak? At nen aap Ket mendek endage Uriya nogo, waruwak nduk, aap Amon mendek ineenggime pi nage nagaarik, eebe wako mbaka, akwe nogo at aret waganggerako.

Ndawi 19:13

Ndi, “Maluk eerikit,” mba'nuk eeke neyo, kat unde wo'nake, Maluk nogo nen, “Maluk mban eeru o,” yo'nege kero, narum wonage, Eeke logot o. Togop eeke keenok, maluk ambi noba lenggenak kagak nage, Ndi, maluk nggwok ambi eeke, Eerigin lek Ugun aret logogin o.

Ndawi 52:2

Kat aap pilit pugungga yi wae! Kamili nogo ti, Aap inamboro mbangga engget ambik kwak logonet, Aakumi maluk eeppiyoorak wone mban mbanit nege,

Ndawi 62:9

Inendage lek ndarak inoba panggonak wonogwe ti, We aanom warogo aret kagak eekwi, “Aap inendage warak ndarak inoba panggombinip o,” Yinuk, yogwe nogo ti, Abe ariyak lek pilit kagak panggombuurak yogwe, Eeko menggaarak me, “Op inoba panggombuurak ngge o?” yinuk, wakkaanuk, Aap inambe aagi ne ambit wungge menggi kwak, Imbirak ndak-ndak wonogwe iyaamunggup o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.