2 Tamuwen 11:13 - Ala Wone Peenok Peebi Mbanak

¹³ wonage me, ko'lu at Ndawut nen mbi imbirak nawok nduk, “Omok o,” yoge nagagerik, mbi inom, amburu inom, imbirak nonggo logonet, at Ndawut nogo nen Uriya kumili kunuwak nduk, anggur amburu wogoreegerak ambik aret nengge nagagerik, kumili kuneegerak kwe, oonikiya ame noolik. At ogoba ayeloman mini ame arum menggaarak inom nogo yereegim nogome nogo yi nagagerak.

2 Tamuwen 11:13 Cross References

2 Tamuwen 11:9

Togop eereegerak kwe, at Uriya nogo ame noolik. At ogoba Ndawut ayeloman mini ame arum menggaarak nogo, aap endagembogut awi o nggwok abe wurik tu unggwogo menggam time inom nogo yereegerak.

2 Tamuwen 13:26

Ale'nggen oba pereegerak kwe, kagak at Abatalom nen ogoba yoge, “Kat noorak meek kenok, noweeluk Amonon ninom nawok nduk, E, yo'niru o.” Yoge mbareegi, at ogoba nen, “At nano eeriyak nduk kinom noorak?”

Wundeegwaarak 32:21

Wogorage nagagerik, Muta nen Karun mberege logonet, “It aakumi yi nen nano eeppagagwi iinok, it maluk nggwok lombok eeruwak nduk, E, yagandak?”

Kini Wuppiige 20:1

Anggur amburu nunggwi paga aakumi miyuk-meya eerogo piyoorak aganake, Ndi, amburu kumili aganaka nenggaatak paga ndugwi puurak eeginake, Eeke menggerak me, Aap ambi nengge nagaatik, tu alik nomo agan nage kenok, iniki lek aret mbako menggaarak.

Kini Wuppiige 23:29

Aap ta nen aaninggin oba wonage? Ta nen iniki wakkolage? Ta nen ndugwi pit nage? Ta nen iniki aagi eekkolage? Ta nen alom lek kagak amiya timbo eerogo pake? Ta nen enegen amiya eerogo pake? Eeke menggerak mbaken? Lek o!

Abakuk 2:15

It at enaagan-ambokan wonogwe nogo, Inagabolo kin iyaakit o, yinuk, Niyo kumili aganaka mendek toologo wogoramenggerak nenok, kumili aganake me, aap wogoraga ti, abuwa o.