2 Tamuwen 11:11 - Ala Wone Peenok Peebi Mbanak

¹¹ Yoge mbareegi, at Uriya nen Ndawut yoge, “Ala aloobut mbanak inom, ineegin warak Iterali mendek inom, Yekura mendek inom, ooliya-ooliya wurik me wonogwe, ndi, an nogoba aap Yowap inom, nogoba kat kapuri inom, it kunduk, o endekem inawooliya wuppatinuk wonogwe, eekwi iigak, an name nage logominggirik, mbi inom, niyo inom, nenok, nakwe nimbirak nogo yuurak op mbaken? An togop eeri noorak meek nomba'nok nduk, kendage kunogo yokkigi o,” yinuk, yoreegerak.

2 Tamuwen 11:11 Cross References

2 Tamuwen 11:10

It aakumi nen, “Uriya nogo ame noolik o,” yinuk, Ndawut yogo mbareegwa, at Ndawut nen Uriya yoge logonet, “Kat wim eekwi me o nda nen wagandak nogo lek a? Nonggop nduk kame noolik yime puk agandak?”

2 Tamuwen 14:19

Yoge mbareegi, aap endagembogut nen at yoge logonet, “Wone yo'negendak abok aret at Yowap nen yokkege kenok, yo'niri wagandak nogo lek a?” Yoge mbareegi, at kwe nogo nen, “Kat nowe kendagembogut wone ari keenok, eegu melak yuurak meek me, wone yokkigirak yi abok aret at kayeloman Yowap nen, Ndogop yu o, yinuk, an kayeloman ninikime manake mbaki, yokkiri wagarak me, kat nowe kendagembogut wonage keegak pilit lek abet aret yokkigi o.

2 Tamuwen 20:6

at Ndawut nen Abitayi yoge logonet, “At Abatalom nen maluk eeppinanegerak kwe, at Mbikiri aput Teba yi perak, maluk nggwok lombok eeppinaniyak, mbake logomenggerik, o kota yugum pak tiyarogon wurik me, kwaappunuk, nit nen pigookwak, mbaganit unggwi nage kero, kinogoba an nawuri wogoren kinom at mugurok nanip o,” yoreegerak.

2 Tamuwen 7:2

Ndawut nen aap Ala nen yoge kagak yoraga Natan nogo yoge logonet, “An nawi o nggwok abe wurik yi, eyo abe nggabina paga abu obeelom wuppanegaarak wonage neegak kwe, Ala aloobut mbanak kenok we ooliya wurik me wonage ti ket o.”

Linggineegwaarak 32:6

Yogo mbareegwa, at Muta nen it Nggat mendek inom, Uruben mendek inom, yorage logonet, “Kit kinoreewi o time wim eeriyak nduk wunda nogwe iigak, kit yime logorak mba'nuk, yogop ya!

Yaya 13:14

Kinogoba an mamungginake minggirak nen aret kit kiniyok kookkinakirak kenok, kit togon togop aret at ambi iyok kookak eeko logorak op o.

2 Timotiyut 2:12

Maluk eeppinanugwi iigak, ninogogumbuk logonet, waganggwi niinok, at ninom tiyanak logonet, aakumi inarum logogun o. Nit nen at mbo pugwi niinok, at kunduk nit mbo pinanigin o.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.

1 Tamuwen 14:18

Ne ti eyom paga Ala aloobut mbanak nogo Iterali inenggela'me wonagagerak me, at Tawun nen aap Akiya nogo yoge logonet, “Ala aloobut mbanak nogo wonok omok o,”

1 Tamuwen 17:55

At Ndawut nogo nen aap Pilitin mendek imbirak wim namburiyak nduk nage at Tawun enegen kage nagagerik, at Tawun awuri ineegin warak inowe Abenet nogo yoge logonet, “Abenet wae. At wulaga tawe ti, ta aput?” Yoge mbareegi, Abenet nen yoge logonet, “Nowe kendagembogut kat aret keegak, an pilit yokkiriyak meek me, an neenggo'lek o.”

1 Tamuwen 20:3

Yoge mbareegi, at Ndawut nen ari logonet, “Kat an niniki kunik wonage nogo kogoba abu eenu aret me, at nen ari logonet, An nen Ndawut eeppuurak mbake nogo Yonatan iniki wakkolookwak, eenu eeppuurak lek, mbake me, kat yokkega'lek kagak, an niyok ambi punuk, Ambi pi, ari paga aret noorigin o, yinuk, Aliku ALA eenu me, kat togon keenu a'nok nduk abet aret yokkigi o.”

1 Tamuwen 25:26

Togop aret me, Maluk eeppagagerak onggo eeppiyaakit, koongge logonet, aakumi inamiya wunabukwak, at Aliku ALA nen non mbambagagaarak me, it kawim inom, it kat nogoba maluk eeppagarak mbakwi nogo inom, at Naban kwak aret logowak o, yinuk, kat keegak, at eenik menggerak Aliku ALA endage kumbunuk yagi o.

1 Tamuwen 4:4

Yogo nogogwaarik, at Ala aloobut mbanak irip-irip malayikat negen kerub ogut ogobakkigirik kagak, oolo time at Aliku Omaawi Lombok Menggerak ALA wone yugu yonggolak nogo aakumi Iterali nen wa nawak nduk, nappiigo mbareegwa, aap Eli apuri ineebe mbere, Kopini Pinekat imbirak nogo inom nen wonok wogogwaarak.