2 Tamuwen 10:16 - Ala Wone Peenok Peebi Mbanak

¹⁶ Wogo mbareegwa, at Kararetet nogo nen it aap Aram mendek niyo Eparat enebagan wonogwe nogo woraawak nduk, yonggo nappiige mbareegi, aap Kararetet awuri wim eeka inowe Tobak nen wogoren o Kelam piya wagagerak.

2 Tamuwen 10:16 Cross References

2 Tamuwen 10:15

Ndi, it aap Aram mendek nogo yogo logonet, “It Iterali mendek nen abok aret ninooko logonet, mappinanggaarak kogo o.” Yogo nogogwaarik, ambinom kuwak ari wogogwaarak.

2 Tamuwen 10:17

Piya wagagerak nogo at Ndawut yogo mbareegwa, at Ndawut nen aakumi Iterali abok aret kuwak eeppiige nagagerik, wogoren niyo Yoraran wunda nanuk, o Kelam nogo mbareegwa, it Aram mendek nogo nen Ndawut awuri inom wim namburuwok nduk, ina koonogo punuk, inom wim nambureegwaarak.

1 Endagembogut 11:23

Ndi, ti'nuk, ambi Talomo imbirak ogoorak logorak Aliku ALA nen inikime eeppereegerak nogo ti, aap Eliyara aput Ereton aret. At ogoba it Toba mendek endagembogut Kararetet mbo punuk, kole mbagangge nagagerik,

1 Mbinineegwaarak 18:3

Ti'nuk, it o Toba mendek inowe endagembogut Kararetet nogo, at unde menggim niyo Eparat ambet paga wonogwe nogo, mi'nogwe iinok, ambinom tebenogo piyaakit nduk, nage me, at Ndawut imbirak abuk a'nuk, imbirak wim eerit o Kamat kuli tebenogo piinet nagagerak.

1 Mbinineegwaarak 18:5

Ndi, it aap o Aram yaga'lelo Ndamitik nogome nen it o Toba mendek inowe endagembogut Kararetet yeenggwaaruwok nduk, wogo mbareegwa, at Ndawut nen ineebe dua puluh dua ribu aret inoorogo piyareegerak.

1 Mbinineegwaarak 19:16

Ndi, it aap Aram mendek nogo yogo logonet, “It Iterali mendek nen ando ninooko logonet mappinanggaarak kogo o.” Yogo nogogwaarik, at Kararetet nogo nen it aap Aram mendek niyo Eparat enebagan wonogwe nogo woraawak nduk, yonggo nappiige mbareegi, aap Kararetet awuri wim eeka inowe Tobak nen wogoren piya wagagerak.