2 Tamuwen 1:9 - Ala Wone Peenok Peebi Mbanak

⁹ Yoge mbaki, at Tawun nen an yo'nege logonet, An muk nookaarak kambuurak ee'nake me, nggaruk togon aret kambikit nduk noori omok o, naput.

2 Tamuwen 1:9 Cross References

2 Tamuwen 1:10

Yo'nege mbaki, at owagam nage nagarik, eebe muk warak eenik ariyak meek aret kage nagarik, wakirak o, nogoba. Ndi, wake nagarik, nggare-nggare anobak me yirik inom, arenggen obaak me yirik inom, wonok kat nogoba kiri wagi o,” yoreegerak.

2 Tamuwen 1:8

Yoge mbaki, at nen an yo'nege logonet, Kat ta o? Yo'nege mbaki, An aap Amalek mendek aret o, yogirak.

1 Mbinineegwaarak 10:4

Wako mbareegwa, at Tawun nen aap at eegin wonok nega nogo, yoge logonet, “It aakumi inagabolo mbana'lek Pilitin mendek yi nen wogo logomenggaarik, meek eerogo paninuk nagabolo andi-pandi eerogo nookwi iyo, kat kawooluwak waganogo ndanuk togon noori mok o!” Yoreegerak kwe, at aap at eegin wonok nega nogo agabiti nen wariyak eebi mbake mbareegi, at Tawun alik nen awooluwak yindumbunuk, at paga ndanunggola wangge nagagerik, kambeegerak.

Wayu 9:6

Ti eyom paga it aakumi andi nen yagan wako logonet, “Nggarurogon kambuwok lak ao,” yinuk, inowe-inawot nen mondok-mondok inooruwak nduk, yoramenggaarak kwe, kambuurak inoba ari woraagin lek me, kangga'lek we ineenik yagan yobak-nggolak mban wako logogun o.

Owak Loongga 9:54

Telak ari mbareegi, at Abimelek nogo nen aap at awooluwak wonok nege nogo yoge logonet, “Aakumi nen, Abimelek nogo kwe nen waki o, yukwak me, kat nen mbet-mbet aret nooru o.” Yoge mbareegi, awooluwak nogo paga ndanuk togon warogo pereegerak aret kambeegerak.

1 Tamuwen 31:4

Wako mbareegwa, at Tawun nen aap at eegin wonok nega nogo, yoge logonet, “It aakumi inagabolo mbana'lek Pilitin mendek yi nen wogo logomenggaarik, meek eerogo paninuk, nagabolo andi-pandi eerogo nookwi iyo, kat kawooluwak waganogo ndanuk togon noori mok o!” Yoreegerak kwe, at aap at eegin wonok nega nogo, agabiti nen wariyak eebi mbake mbareegi, at Tawun alik nen awooluwak yindumbunuk, at paga ndanunggola wambeegerak.